spot_imgspot_img
spot_img

කොම්පඤ්ඤවීදියේ නම වෙනස් වෙයි

“කොම්පඤ්ඤවීදිය” සිංහල දෙමළ සහ ඉංග්‍රීසි යන භාෂා ත්‍රිත්වයෙන්ම එකම නමකින් හැඳින්වීමට පියවර ගන්නා ලෙසට අග්‍රාමාත්‍ය දිනේෂ් ගුණවර්ධන අදාළ අංශ වෙත දැනුම්දී තිබෙනවා.

අග්‍රාමාත්‍ය ලේකම්වරයා විසින් රාජ්‍ය පරිපාලන හා ස්වදේශ කටයුතු අමාත්‍යංශයට, තැපැල්පතිවරයාට සහ කොළඹ මහ නගර සභාවේ නාගරික කොමසාරිස්වරයාට යොමු කළ ලිපියක් මගිනුයි මේබව ප්‍රකාශකර ඇත්තේ.

එම ලිපියේ දැක්වෙන්නේ කොළඹ 2 කොම්පඤ්ඤවීදිය ප්‍රදේශය ආශ්‍රිතව මාර්ග පුවරු, තැපැල් භාවිතාව, වරිපනම් හා ඡන්ද නාම ලේඛණ යනාදියේ කටයුතු කිරීමේදී සිංහල හා දමිළ භාෂාවලින් කොම්පඤ්ඤවීදිය ලෙස භාවිත කළ ද ඉංග්‍රීසි භාෂාවෙන් භාවිත කිරීමේදී වෙනත් අදහසක් අරුත් ගන්වන “Slave Island” යන පැරණි නාමකරණය තවමත් එලෙසින්ම භාවිත වීම පිළිබඳ අගමැතිවරයාගේ අවධානයට යොමුවී ඇති බවයි.

එබැවින් 75 වන නිදහස් දිනයට සමගාමීව කඩිනමින්ම යටත් විජිත සමයේ භාවිත වූ නමකික් හැඳින්වීම වෙනුවට සිංහල හා දමිළ භාෂාවලින් නිවැරදිව භාවිත වන පරිදි කොම්පඤ්ඤවීදිය යන නාමකරණය ඉංග්‍රීසි භාෂාවෙන් ද නිවැරදිව පරිවර්ථනය කරමින් භාවිත කිරීම සහිතක කරන ලෙසට දැනුම් දෙනවා.

මහජන සේවා සැපයීමේදී මින් ඉිදරියට නිවැරදිව සියලුම රාජ්‍ය ලිපි ලේඛණවල, වීදි නාමකරණය, තැපැල් ලිපිනයන් හා කේත අංක භාවිතාව, ඡන්ද නාම ලේඛණ, වරිපනම් හා බදු ලේඛණ යනාදී භාවිතාවන්ට අදාළව නිසි සංශෝධනයන් කිරීමට කඩිනමින්ම පියවර ගන්නා ලෙසටයි අගමැති ලේකම්වරයා අදාළ අංශවලට දන්වා ඇත්තේ.

නිදහස් දිනයට සමගාමීව අදාළ සංශෝධන කටයුතු සිදු කරන ලෙසට ද ඉල්ලීමක් කර තිබෙනවා.

ඉංග්‍රීසි, ලංදේසි, ඕලන්ද, පෘතුගීසි පාලන සමයන්වලදී කොම්පඤ්ඤවීදියේ දූපතක පුද්ගලයන් වහලුන් ලෙස ගාල් කර තිබූ බැවින් එය වහල් දූපතක් ලෙස නම් වී තිබෙනවා.

එබැවින්,ඉංග්‍රීසි භාෂාවෙන් එම නම ” SLAVE ISLAND” ලෙස විදේශිකයන් විසින් භාවිතා කළ බවයි ඉතිහාසයේ දැක්වෙන්නේ.

Slave Island1
ඔබේ ප්‍රතිචාරය කුමක්ද ?
+1
0
+1
0
+1
0
+1
0
+1
0
+1
0
+1
2
Subscribe
Notify of
2 Comments
Oldest
Newest Most Voted
Inline Feedbacks
සියලු ප්‍රතිචාර බලන්න !

?