ශ්රී ලංකා – කියුබානු පාර්ලිමේන්තු මිත්රත්ව සංගමයේ සභාපති, තරුණ කටයුතු හා ක්රීඩා අමාත්ය සුනිල් කුමාර ගමගේ ඇතුළු එම සංගමයේ සාමාජිකයන් සහ ශ්රී ලංකාවේ කියුබානු ජනරජයේ තානාපතිනි පැට්රීෂියා ලාසාරා පෙගෝ ගුවේරා (Patricia
Lázara Pego Guerra) අතර සාකච්ඡාවක් පසුගියදා පෙරේදා (20) පාර්ලිමේන්තුවේ දී පැවැත්වුණා.
මෙහිදී, ශ්රී ලංකා – කියුබානු පාර්ලිමේන්තු මිත්රත්ව සංගමයේ ඉදිරි ක්රියාකාරකම් මෙන්ම දෙරට අතර දිගුකාලීන සබඳතා තවදුරටත් ශක්තිමත් කිරීම සඳහා පවතින අවස්ථා පිළිබඳව අවධානය යොමුවුණා.
ශ්රී ලංකාව සහ කියුබාව අතර පවතින දිගුකාලීන මිත්රත්වය සහ සමීප සබඳතා සිහිපත් කරමින්, පාර්ලිමේන්තු රාජ්ය තාන්ත්රිකභාවය වැඩි දියුණු කිරීමේ සහ දෙරටේ ව්යවස්ථාදායකයන් අතර ප්රජාතන්ත්රවාදී සහයෝගීතාව ශක්තිමත් කිරීමේ වැදගත්කම ශ්රී ලංකා – කියුබානු පාර්ලිමේන්තු මිත්රත්ව සංගමයේ සභාපති, අමාත්ය සුනිල් කුමාර ගමගේ
මෙහිදී පැහැදිළි කළා.
මෙහිදී අදහස් දැක්වූ තානාපතිනි පැට්රීෂියා ලාසාරා ගුවේරා, සෞඛ්ය සේවා, ක්රීඩා, කෘෂිකර්මාන්තය සහ දේශගුණික විපර්යාස ඇතුළු ප්රධාන අංශ ගණනාවක ද්විපාර්ශ්වික සහයෝගීතාව තවදුරටත් ශක්තිමත් කිරීම සඳහා කටයුතු කරන බව ප්රකාශ කළා.
ශක්තිමත් අන්තර් -පාර්ලිමේන්තු සබඳතා ප්රවර්ධනය කිරීම සඳහා කියුබානු – ශ්රී ලංකා පාර්ලිමේන්තු මිත්රත්ව සංගමය ද කැපවන බව ඇය සඳහන් කළා.
සමීප සබඳතා සහ සාකච්ඡා වර්ධනය කිරීමේ අරමුණින් දෙරටේ පාර්ලිමේන්තු මිත්රත්ව සංගම්වල සාමාජිකයින් අතර මාර්ගගත ක්රමය ඔස්සේ සාකච්ඡාවක් සංවිධානය කිරීමට කටයුතු සූදානම් කරමින් සිටින බව තානාපතිවරිය වැඩිදුරටත් පැවසුවා.
කියුබානු නායක ෆිදෙල් කැස්ත්රෝගේ ජන්ම දින ශත සංවත්සරය සැමරීම සඳහා සංවිධානය කරනු ලබන අනුස්මරණ උත්සවවලට සහභාගී වන ලෙස ද ඇය මන්ත්රීවරයන්ට ආරාධනා කර සිටියා.
ශ්රී ලංකාවෙන් කියුබාවට ජාත්යන්තර මට්ටමින් සහයෝගය ලබා දිය හැකි ක්ෂේත්ර පිළිබඳව ද පාර්ලිමේන්තු මිත්රත්ව සංගමයේ සාමාජිකයෝ මෙහිදී අදහස් පළ කළා.
තානාපතිවරිය කියුබාවේ වත්මන් තත්ත්වය සහ අභියෝග පිළිබඳව ද ශ්රී ලංකා – කියුබානු පාර්ලිමේන්තු මිත්රත්ව සංගමයේ සාමාජිකයින් දැනුවත් කරනු ලැබුවා.
