එක්සත් රාජධානියේ නිල සංචාරයක නිරත අග්රාමාත්ය හරිනි අමරසූරිය සහ පොදුරාජ්ය මණ්ඩලීය රටවල මහලේකම් ෂර්ලි අයෝර්කර් බොච්වේ අතර හමුවක් සිදුව තිබෙනවා.
ලන්ඩන් නුවර මාල්බරෝ මන්දිරයේ දී ඊයේ (21) මෙම හමුව සිදුව ඇති බවයි වාර්තා වුණේ.
මෙහිදී ප්රධාන වශයෙන් දේශගුණික විපර්යාස, දේශගුණික මූල්යකරණය, ප්රජාතන්ත්රවාදී පාලනය, කාන්තා දේශපාලන නියෝජනය සහ සාමාජික රටවල් සඳහා පොදුරාජ්ය මණ්ඩලය විසින් ලබාදෙන සහයෝගය කෙරෙහි අවධානය යොමුකර තිබෙනවා.
එමෙන්ම පොදුරාජ්ය මණ්ඩලීය මහලේකම් කාර්යාලය විසින් දක්වන සහයෝගය අග්රාමාත්යවරිය විසින් මෙහිදී අගය කර ඇති අතර, ඔරොත්තු දීමේ හැකියාව ගොඩනැඟීම, තිරසාර සංවර්ධනය සහ ඇතුළත් පාලනයසඳහා ශ්රී ලංකාවේ ඇති කැපවීම මම මෙහිදී නැවතත් තහවුරු කළා.
මේ අතර තාක්ෂණික සහාය, මානව සම්පත ශක්තිමත් කිරීමේ වැඩසටහන් සහ දේශගුණික මූල්යකරණය හා මැතිවරණ පාලනය ඇතුළු ක්ෂේත්රයන්හි සහයෝගීතාව ශක්තිමත් කිරීමට ශ්රී ලංකාවට අඛණ්ඩව සහාය ලබාදීමට සූදානමින් සිටින බවයි මහලේකම්වරිය මෙහිදී පවසා ඇත්තේ.
ඉදිරියේදී පැවැත්වීමට නියමිත පොදුරාජ්ය මණ්ඩලීය වැඩසටහන් සම්බන්ධයෙන් දෙපාර්ශ්වය අදහස් හුවමාරු කර ගෙන ඇති අතර, ගෝලීය අභියෝගයන්ට මුහුණදීම සඳහා සාමාජික රාජ්යයන් අතර සහයෝගීතාව තවදුරටත් ශක්තිමත් කිරීමේ වැදගත්කම ද අවධාරණය කළා.
