කුකුළු මස් සහ ඒ ආශ්රිත නිෂ්පාදන අපනයන කරන ව්යවසායකයින්ට ජාත්යන්තර ව පිළිගත් ප්රමිතිකරණ තත්ත්ව සහතිකයක් ලබාදීමට සත්ත්ව නිෂ්පාදන හා සෞඛ්ය දෙපාර්තමේන්තුවට අයත් ශාඛානු රසායනාගාරයට ඊයේ (17) සිට අවස්ථාව උදා වී තිබෙනවා.
සත්ත්ව නිෂ්පාදන හා සෞඛ්ය දෙපාර්තමේන්තුවේ අධ්යක්ෂ ජනරාල් ආචාර්යය හේමාලි කොතලාවල මහත්මිය පැවසුවේ, සත්ත්ව නිෂ්පාදන හා සෞඛ්ය දෙපාර්තමේන්තුවේ ශාඛානු රසායනාගාරය සඳහා ලැබුණු මෙම තත්ත්ව සහතිකය නිල වශයෙන් හඳුන්වාදීම පේරාදෙණිය – ගන්නෝරුවේ පිහිටි සත්ත්ව නිෂ්පාද හා සෞඛ්ය දෙපාර්තමේන්තුවට අයත් අඛණ්ඩ අධ්යයන ආයතනයේ පැවති කෙටි උත්සවයක දී සිදු වූ බවයි.
එක්සත් රාජධානියේ රාජකීය පශු සම්පත් විද්යාලයේ ( ROYAL VETERNITY COLLAGE) හි සහ පේරාදෙණිය විශ්වවිද්යාලයේ දායකත්වයෙන් වසර කිහිපයක් පුරා ගත් උත්සාහයක ප්රතිඵලයක් ලෙස මෙම ජාත්යන්තර ව පිළිගත් ISO 17025-2017 තත්ත්ව සහතිකය ලබා ගැනීමට සත්ත්ව නිෂ්පාදන සහ සෞඛ්ය දෙපාර්තමේන්තුවේ ශාඛානු රසායානගාරයට හැකි වූ බවත් මේ නිසා දේශීය අනුමත මාංශ සහ ඒ ආශ්රිත නිෂ්පාදන අපනයනය කිරීමේ දී ව්යවසායකයින්ට විශාල සහනයක් ලැබෙන බව ද අධ්යක්ෂ ජනරාල්වරිය මෙහිදී සඳහන් කළා.
මෙම මාධ්ය හමුවේ දී කෘෂිකර්ම අමාත්යාංශයේ අතිරේක ලේකම් ආචාර්ය පාලිකා ප්රනාන්දු, පේරාදෙණිය විශ්වවිද්යාලයේ පශු විද්යා පීඨයේ මහාචාර්ය රුවනි කළුපහන, සත්ත්ව නිෂ්පාදන සහ සෞඛ්ය දෙපාර්තමේන්තුවේ ජ්යෙෂ්ඨ රසායානාගාර විද්යාඥ ආචාර්ය රොෂාන් ප්රියන්ත යන මහත්ම මහත්මීන් ඇතුළු පිරිසක් ද එක් ව සිටියා.
