සංචාරක ශ්රී ලංකා කණ්ඩායම සහ නවසීලන්තය අතර පැවැත්වෙන තරග තුනකින් සමන්විත පන්දුවාර 20 ක්රිකට් තරගාවලියේ අවසන් තරගය අද (02) පැවැත්වෙනවා.
එරට වේලාවෙන් මේ වනවිට නෙල්සන් ක්රීඩාංගණයේ දී තරගය ආරම්භ වී ඇති අතර කාසියේ වාසිය දිනාගත් සත්කාරක ඇරයුමින් ශ්රී ලංකා කණ්ඩායම පළමු ව පන්දුවට පහරදෙමින් සිටිනවා.
මේ වනවිට ශ්රී ලංකා කණ්ඩායමේ ලකුණු පුවරුව දැක්වෙන්නේ පන්දුවාර 12ක් අවසානයේ කඩුලු 03ක් බිඳ වැටී ලකුණු 119ක් ලෙසයි.
සිව්වැනි කඩුල්ල වෙනුවෙන් පිටියේ රැඳී සිටින්නේ ලකුණු 47ක් ලබා නොදැවෙමින් කුසල් පෙරේරා සමගින් නායක අසලංකයි.
කුසල් මෙන්ඩිස් ලකුණු 22ක් සහ නිස්සංක ලකුණු 14කට දැවී ගියා.
මැට් හෙන්රි, ජැකොබ් ඩෆි සහ මිචෙල් සැන්ට්නර් එක් කඩුල්ල බැගින් බිඳ හෙලුවා.
දෙරට අතර පැවති තරග 02ම මීට පෙර නවසීලන්තය ජයගෙන තරගාවලියේ ශූරතාව ද දිනා සිටින අතර ලැජ්ජාවෙන් බේරීමට නම් ශ්රී ලංකා කණ්ඩායම අද තරගය නියත ව ම දිනාගත යුතු වනවා.
