වෘත්තියෙන් වතු කම්කරුවෙකු වන බාලකුමාර අගෝස්තු මස 25 වන දින රටට සාමය සෞභාග්ය උදා කරන ලෙස ඉල්ලමින් ශ්රී ලංකාව වටා ගමන් කිරීමට පින්නදූව නගරයෙන් ආරම්භ කළ පා ගමන අද (03) ගාල්ල දිස්ත්රික් ලේකම් කාර්යාලය ඉදිරිපිට දී සාර්ථකව අවසන් කෙරුණා.
අප ප්රාදේශීය වාර්තාකරු පැවසුවේ; සුබ්රමනියම් බාලකුමාර මේ වනවිට 50 හැවිරිදි වියේ පසුවන ගාල්ල මහමෝදර පදිංචිකරුවෙකු වන බවයි.
ඔහු ගාල්ලෙන් ආරම්භ කළ මෙම පා ගමන දිවයින වටා ඇති සියලුම දිස්ත්රික්ක ආවරණය කරමින් කිලෝමීටර 5000ක් දින 57ක කාලයක් තුළ ගෙවෙමින් නිමා කිරීමට සමත් වුණා.
ඔහු 2020 වසරේ කොරෝනා සමයේ රටට සෙත් පතා පින්නදූවේ සිට යාපනය බලා කිලෝමීටර් 1500 ක පාගමනක් ගිය අතර 2021 වසරේ ද පින්නදුවෙන් කිලෝමීටර් 2000 පා ගමනක් ආරම්භ කළා.
එය දින 45 ක් තුළ දී නිම කරමින් හෙතෙම 2022 වසරේ ද කිලෝමීටර් 2500ක පාගමනක් දින 52ක දී අවසන් කිරීමට කටයුතු කළ විශිෂ්ටයෙක්.
පා ගමන අවසන් කරන අවස්ථාවට සහභාගි වූ ගාල්ල දිස්ත්රික් ලේකම් W.A. ධර්මසිරි මහතා ඔහුට සුබ පැතුම් පිරිනැමූ අතර ගාල්ල දිස්ත්රික්කයේ ව්යාපාරිකයන් පිරිසක් ඔහුට මුදල් ත්යාග ද ලබා දුන්නා.
