කැළණිවැලි මාර්ගයේ දුම්රිය ධාවනය මේ වන විට යථා තත්ත්වයට පත් කර ඇති බව දුම්රිය දෙපාර්තමේන්තුව සඳහන් කළා.
ඒ, අනුව අද (20) උදෑසන සිට එම මාර්ගයේ දුම්රිය ධාවනය සාමාන්ය පරිදි සිදුවන බවයි එම දෙපාර්තමේන්තුව පැවසුවේ.
කොළඹ කොටුව දුම්රිය ස්ථානයෙන් අවිස්සාවේල්ල බලා ධාවනය වූ දුම්රියක් ඊයේ (19) පස්වරුවේ කොස්ගම සහ අවිස්සාවේල්ල දුම්රිය ස්ථාන අතරදී පීලි පැනීමකට ලක් වුණා.
පැවති අධික වර්ෂාව හේතුවෙන් දුම්රිය මාර්ගයට ගසක් කඩා වැටීම හා පස් කණ්ඩියක් කඩා වැටීම, දුම්රිය පීලි පැනීමට හේතු වී ඇති බවයි දුම්රිය දෙපාර්තමේන්තුව පැවසුවේ.
මේ අතර උඩරට මාර්ගයේ ධාවනය වන දුම්රිය ගමන් වාර කිහිපයක් අවලංගු කිරීමට ඊයේ (19) රාත්රියේ සිට කටයුතු කර තිබුණා.
උඩරට මාර්ගයේ සිදු වූ දුම්රිය පීලි පැනීම හේතුවෙන් මෙලෙස දුම්රිය ගමන් වාර කිහිපයක් අවලංගු කර තිබෙනවා.
ඒ, අනුව කොළඹ කොටුව සිට මහනුවර, මාතලේ හා බදුල්ල බලා ධාවනය වන සීඝ්රගාමී දුම්රිය ගමන් වාර 03ක් සහ මහනුවර, මාතලේ හා බදුල්ල සිට කොළඹ කොටුව හා බෙලිඅත්ත බලා ධාවනය වන දුම්රිය ගමන් වාර 04ක් මෙලෙස අවලංගු කර ඇති බව සඳහන්.
අවලංගු වන දුම්රිය ගමන් වාර පහතින්,
පෙ.ව 05.50 කොළඹ කොටුව සිට බදුල්ල
පෙ.ව 07.00 කොළඹ කොටුව සිට මහනුවර (නගරාන්තර සීඝ්රගාමී )
පෙ.ව 10.35 කොළඹ කොටුව සිට මාතලේ
පෙ.ව 04.50 මාතලේ සිට කොළඹ කොටුව
පෙ.ව 05.00 මහනුවර සිට බෙලිඅත්ත
පෙ.ව 06.15 මහනුවර සිට කොළඹ කොටුව
පෙ.ව 08.30 බදුල්ල සිට කොළඹ කොටුව
එමෙන්ම කොළඹ කොටුව දුම්රිය ස්ථානයෙන් පෙ.ව 08.30ට බදුල්ල බලා ධාවනය වන දුම්රිය සහ පෙ.ව 09.45 ට බදුල්ල බලා ධාවනය වන දුම්රිය දෙක මහනුවර දුම්රිය ස්ථානයෙන් ඊට අදාළ නියමිත වේලාවට බදුල්ල බලා ධාවනය ගමන් ආරම්භ කිරීමට සැලසුම් කර තිබෙනවා.
බදුල්ල දුම්රිය ස්ථානයෙන් පෙරවරු 05.30 ට කොළඹ කොටුව බලා ධාවනය වන දුම්රිය මහනුවර දුම්රිය ස්ථානය දක්වා පමණක් අද (20) දිනයේ ධාවනය කෙරෙනවා.
