කැස්බෑවේ අලුත් අවුරුදු උත්සවයට සහභාගිවූ සියලු දෙනාටම කොවිඩ් !

පසුගිය අවුරුදු සමයේ කැස්බෑව ප්‍රදේශයේ පැවති අවුරුදු උත්සවයකට සහභාගී වූ සියලුම දෙනා හට කොවිඩ් 19 වෛරසය ආසාදනය වී ඇති බවට හදුනාගෙන තිබෙනවා.

එමෙන්ම මේ වන විට කැස්බෑව සෞඛ්‍ය වෛද්‍ය නිලධාරී බල ප්‍රදේශයෙන් දින 16 කදී කොරෝනා ආසාදිතයින් 400කට ආසන්න රෝගීන් පිරිසක් වාර්තා වනවා.

කැස්බෑව සෞඛ්‍ය වෛද්‍ය නිලධාරී කාර්යාලයේ ප්‍රකාශකයෙක් සඳහන් කරන්නේ රෝගීන් අතර අමාත්‍යවරයෙක්ගේ බෑණනුවන් හා කාර්ය මණ්ඩලයේ 05 දෙනෙකු ද සිටින බවයි.

කැස්බෑවෙන් වැඩිම ආසාදිතයින් ගණන ඊයේ (04) වාර්තා වුණා.

ඒ ආසාදිතයින් 149 ක්.

ඉකුත් 30දා සිදුකළ PCR පරීක්ෂණ 268 කින් එම රෝගීන් වාර්තා වී ඇති අතර එය ප්‍රතිශතයක් ලෙස සියයට 55 ක්.

මෙතෙක් වැඩිම රෝගීන් පිරිස වාර්තා වී ඇත්තේ දැල්තර නැගෙනහිර ග්‍රාම සේවා වසමේ කහපොල වත්ත ප්‍රදේශයෙනි.