කැනඩාවේ ඔටාවා අගනුවර නිවසක් තුළදී ශ්‍රී ලාංකික පවුලක සාමාජිකයන් 6 දෙනෙකු ඝාතනය කිරීමේ සිද්ධියට අදාළව අත්අඩංගුවට ගත් ශ්‍රී ලංකික තරුණයා අධිකරණයට ඉදිරිපත්කර තිබෙනවා.
එහිදී සැකකරු ඉතා අඩුවෙන් කථාකර ඇති අතර අධිකරණයේ නැවත වාඩි වීමට ප්‍රථම ඔහුගේ නම සහ උපන් ස්ථානය පමණක් සඳහන් කර තිබෙන අතර නැවතත් ඔහු ලබන 14වැනිදා අධිකරණයට ඉදිරිපත් කිරීමට නියමිතයි.
මේ වනවිට සැකකාර තරුණයාට මිනීමැරුම් හයක් සහ මිනී මැරීමට උත්සාහ කිරීම යන චෝදනා එල්ල වී ඇති බව විදෙස් මාධ්‍ය වාර්තා කළා.
මෙම සැකකරු විසින් වික්‍රමසිංහ පවුල ඝාතනය කිරීමට හේතුව මෙතෙක් වාර්තා වී නැහැ.
පුද්ගලයින් 5 දෙනෙකුගේ නම් සඳහන් කරමින් අධිකරණය සැකකරුට නියෝග කර ඇත්තේ, ඔවුන්ට කථා නොකරන ලෙසයි.
ඉන් එක් අයෙකු වන්නේ බරපතළ තුවාල ලබා රෝහල්ගත කර සිටින ධනුෂ්ක වික්‍රමසිංහ යන අයයි.
කැනඩා පොලිසිය සඳහන් කරන්නේ, සාහසිකයා මෙම සමූහ ඝාතනය සඳහා යොදාගෙන ඇත්තේ තියුණු ආයුධයක් බවයි.
