ලෝකයේ රටවල් 30 ක කායවර්ධන ක්රීඩක ක්රීඩිකාවන් 250 කගේ සහභාගීත්වයෙන් මිස්ටර් යුනිවර්ස් ( Mr: Universe ) කායවර්ධන ශූරතා තරගාවලිය පසු ගිය 23 හා 24 යන දින දෙකේදී තායිලන්තයේදී පැවැත්වුණා.
ඒ සඳහා ශ්රී ලංකාව නියෝජනය කරමින් ක්රීඩක ක්රීඩිකාවන් 08 දෙනෙක්ගෙන් සමන්විත කණ්ඩායමක් සහභාගී වූ අතර එම කණ්ඩායමෙන් 07 දෙනෙක්ම පදක්කම් දිනා ගනිමින් සමස්ථ තරගාවලියේ ජයග්රහණය ද හිමි කර ගත්තා.
දිනා ගත සමස්ත පදක්කම් ගණන 14ක් වූ අතර රන් පදක්කම් 03 ක් , රිදී පදක්කම් 05 ක් සහ ලෝකඩ පදක්කම් 06 ක් ඒ අතර වුණා
ජයග්රාහී කණ්ඩායම අද (27) අලුයම කටුනායක ගුවන්තොටුපළෙන් ම්මවුබිමට පැමිණියා.
පොලිස් විශේෂ කාර්යය බළකායේ සැරයන් කේ.ඩී.මායාදුන්න ක්රීඩකයා රන් පදක්කම් 02 ක් දිනා ගනිමින් ලෝකයේ ඉහළම කායවර්ධන තරගාවලිය වන ඇමෙරිකාවේ මිස්ටර් ඔලිම්පියා ( Mr. Olimpia ) තරගාවලිය සදහා සහභාගී වීමට අවශ්ය සුදුසුකම් සහිත අයි.එෆ්.බී.බී.ප්රෝ කාඩ්පත ( I.F.B.B.Pro Card ) දිනා ගැනීමට සමත් වුණා .
ශ්රී ලංකා කායවර්ධන සහ යෝග්යතා සම්මේලනයේ නිලධාරීන් මෙන්ම මෙම ක්රීඩක ක්රීඩිකාවන්ගේ දෙමාපියන් , නෑදෑ හිතවතුන් මෙන්ම පොලිස් විශේෂ කාර්යය බළකායේ නිලධාරීන් පිරිසක් ද ජයග්රාහී කණ්ඩායම පිළිගැනීම සඳහා කටුනායක ගුවන් තොටුපොළ වෙත පැමිණ සිටියා.
