හොංකොං හි චීන විශ්වවිද්‍යාලයේ (Chinese University of Hongkong) ඉගෙනුම ලබන උපාධි අපේක්ෂකයන් 16 දෙනෙකු , මෙරට ක්ෂේත්‍ර අධ්‍යයන චාරිකාවකට දිවයිනට පැමිණ තිබෙනවා.
අප ගුවන්තොටුපොළ වාර්තාකරු පැවසුවේ ඔවුන් දින 10ක ක්ෂේත්‍ර අධ්‍යයන චාරිකාවක් සඳහා අද (27) අලුයම දිවයිනට පැමිණි බවයි.
ඔවුන් ” ශ්‍රී ලංකාවේ කාන්තා අයිතිවාසිකම් ” යන මැයෙන් මෙම අධ්‍යයන චාරිකාවේ නිරත වීමෙන් අනතුරුව , පර්යේෂණ නිබන්ධයක් සකස් කිරීමට නියමිතයි.
මීට අමතරව ජා – ඇළ , පමුණුගම ගොන්සල්වේස් විද්‍යාලයේ සිසුන් 50ක් යොදා ගෙන, තවත් ව්‍යාපෘතියක් සිදු කිරීමට ද නියමිත ව සිටිනවා.
මෙම අධ්‍යයන චාරිකාවෙන් අනතුරුව, මෙම සිසුන් සීගිරිය සහ නුවරඑළිය ප්‍රදේශයේ චාරිකාවක ද නිරත වීමට සැලසුම් සකස් කර තිබෙනවා.
මෙම උපාධි අපේක්ෂකයන් පිරිස අලුයම 12.00ට හොංකොං සිට කැතේ ෆැසිපික් ගුවන් සේවයේ සී.එක්ස්.- 611 දරන ගුවන් යානයෙන් කටුනායක ගුවන් තොටුපොළ වෙත පැමිණ සිටියා.
