ක්ලබ් වසන්ත නොහොත් සුරේන්ද්ර වසන්ත පෙරේරා නමැත්තා වෙඩි තබා ඝාතනය කිරීමේ සිද්ධිය සම්බන්ධයෙන් අත්අඩංගුවට ගෙන ත්රස්ත විමර්ශන කොට්ඨාස රැඳවුම් භාරයේ සිටි සැකකරුවන් සිව් දෙනෙකු මුදා හරින ලෙස කොළඹ අතිරේක මහේස්ත්රාත් පසන් අමරසේන මහතා අද (6) නියෝග කළා.
එම ඝාතනය සිද්ධිය සම්බන්ධයෙන් සැකකරුවන් පිරිසක් අත්අඩංගුවට ගත් බවත් ආරක්ෂක ලේකම්වරයා වෙත පැවරී ඇති බලතල අනුව මෙම සැකකරුවන් සිව් දෙනා දින 90ක් රඳවා තබාගෙන ප්රශ්න කළ නමුත් එම සිව් දෙනා සිද්ධියට සම්බන්ධ නොමැති බවට කරුණු අනාවරණය වන බැවින් ඔවුන් නිදහස් කර හැරීමට නියෝගයක් ලබාදෙන ලෙසට ත්රස්ත විමර්ශන කොට්ඨාසය කළ ඉල්ලීමක් සලකා බලමින් මහේස්ත්රාත්වරයා එම නියෝගය නිකුත් කළ බවයි දසත අධිකරණ වාර්තාකරු පැවසුවේ.
ඇන්ටන් සුදර්ශන ,හර්මන් ගීතන් මෝසස් ,අර්නස් රාජ් හා තොමස් ගොඩ් කොන්ට් නමැති සැකකරුවන් සිව් දෙනකු එසේ නිදහස් කිරීමට නියම කෙරුණා.
සිද්ධියට අදාළව අත්අඩංගුවට ගත් තවත් සැකකරුවන් පිරිසක් කඩුවෙල උසාවිය වෙත ඉදිරිපත් කළ බව ද එම කොට්ඨාසය සිද්ධිය සම්බන්ධයෙන් වැඩිදුරටත් කරුණු දක්වමින් අධිකරණයට දැන්වූවා.
අතුරුගිරිය ප්රදේශයේ ටැටූ කලාගාරයක් විවෘත කිරීමට ගිය අවස්ථාවකදී නාඳුනන තුවක්කුකරුවන් දෙදෙනකු ඉකුත් ජූලි 8 දින වසන්ත පෙරේරා නමැත්තා වෙඩි තබා ඝාතනය කළා.
