සංචාරක ඕස්ට්‍රේලියානු කණ්ඩායම සමඟ පැවති තරග තුනකින් සමන්විත විස්සයි විස්ස තරගාවලිය අවසන් වුණේ අවසන් තරගයේ ජය ශ්‍රී ලංකාවට හිමිකර දෙමින්.
තියුණු සටනකින් අනතුරුව අවසන් විස්සයි විස්ස තරගය අවසන් පන්දුවේදී ජයග්‍රහණය කිරීමට ශ්‍රී ලංකා පිල සමත් වුවත් පළමු තරග දෙක ජයගෙන සිටි ඕස්ට්‍රේලියානුවන් විස්සයි විස්ස තරගයේ ශූරතාවට හිමිකම් කීමට සමත් වුණා.
මේ අතර තරග 05කින් සමන්විත එදින තරගාවලිය හෙට (14) ආරම්භවීමට නියමිතයි.
ඒ, අනුව විස්සයි විස්ස තරගාවලිය අවසන් වීමෙන් පසු දින දෙකක විවේකී කාලයක් දෙපිලේම ක්‍රීඩකයින් හට හිමිවෙනවා.
එම විවේකී කාලය තුළ ක්‍රිකට් පිත්ත මදකට පසෙකට දමා ගොල්ෆ් පිත්ත අතට ගන්න ඕස්ට්‍රේලියානු කණ්ඩායමේ ග්ලේන් මැක්ස්වෙල් සහ ජෝෂ් ඉන්ග්ලිෂ් කටයුතු කර තිබුණා.
මෙම ක්‍රීඩකයින් දෙදෙනා ඊයේ දිනයේ දී මෙලෙස ගොල්ෆ් ක්‍රීඩාවේ නිරත වූ බවයි වාර්තා වුණේ.
මහනුවර, දිගන ප්‍රදේශයේ පිහිටි ගොල්ෆ් පිටියේ දී මොවුන් දෙදෙනා ගොල්ෆ් ක්‍රීඩාව යෙදුන බව සඳහන්.
