කැකිරාව ප්රාදේශීය සභාව මගින් ගනේවල්පොළ – අඹුල්ගස්වැව ප්රදේශයේ පවත්වාගෙන යන කසළාංගණයට බැහැර කෙරෙන කුණු අපද්රව්ය ආහාරයට ගැනීමට පුරුදු ව සිටින දළ ඇතෙකු ඇතුළු වන අලීන් කිහිපදෙනෙකු පිළිබඳ ව තොරතුරු වාර්තා වනවා.
දසත ප්රාදේශීය වාර්තාකරු පැවසුවේ දිනපතා මෙම දළ ඇතා තවත් වනඅලි කිහිපදෙනෙකු සමග ආහාර ගැනීමට කසළාංගණය වෙත පැමිණෙන බවයි.
එම කසළාංගණයේ ඇති පොලිතීන් ඇතුළු දිරාපත් නොවන දෑ ද මෙම සත්ත්වයින් ආහාරයට ගැනීමට පුරුදු ව සිටින බවට වාර්තා වනවා.
මෙම කසළාංගණය වටා කැකිරාව ප්රාදේශීය සභාව මගින් විදුලි වැටක් ද ඉදිකර තිබුණ ද, එය නිසි ප්රමිතියකින් තොරව සවිකර නැති බැවින් විදුලි වැට බිඳ දමා දළ ඇතා ඇතුළු වන අලීන් කසළ අංගණයට ඇතුල් වන බවයි පෙනී යන්නේ.
එමෙන්ම තවත් ගැටලුවක් වී ඇත්තේ මෙම කසළාංගණය ඉදිකර ඇත්තේ අලිමංකඩක වීමයි.
එබැවින් අදාළ ප්රදේශය හරහා වැඩිවශයෙන් අලීන් ගමන් ගන්නා බවත් වාර්තා වනවා.
කෙසේවෙතත් ජෛව පද්ධතියේ සමතුලිතතාව රැක ගැනීමට සත්ත්වයින්ගේ පැවැත්ම අත්යවශ්ය කරුණක් වන බැවින් ස්වාභාවික පරිසරයට දායාදයක් වූ දළ ඇතුන් නිරපරාදේ මියැදෙන්නට ඉඩ හැරීම වගකිව යුතු බලධාරීන්ගේ සහ වනජීවී නිලධාරින්ගේ වගකීමක් නොවන බැවින් මේ සඳහා කඩිනම් ක්රියාමාර්ගයක් ගනු ඇතැයි දසත අපි විමසිල්ලෙන්!
