කලාවැව ජලාශයේ සොරොව්වක සවිකර තිබූ අකුණු සන්නායකයකට සවිකර භූගත කර තිබූ තඹ පටියක් කපා සොරකම් කරගෙන යාමේ සිද්ධියක් සම්බන්ධයෙන් ඉපලෝගම පොලිස් ස්ථානය විමර්ශන ආරම්භ කර තිබෙනවා.
දසත ප්‍රාදේශීය වාර්තාකරු පැවසුවේ; කලාවැව ජලාශයේ කාර්යභාර ඉංජිනේරු කාර්යාලයේ නිලධාරීන් විසින් අද (09) ඉපලෝගම පොලිස් ස්ථානය වෙත කර ඇති පැමිණිල්ලකට අනුව පොලිස් විමර්ශන ආරම්භ කර ඇති බවයි.
කලාවැව ජය ගඟ ඇළට ජලය මුදා හැරෙන සොරොව්වේ ආරක්ෂාව සඳහා සවිකර තිබූ අකුණු සන්නායකයකයේ සවි කර තිබූ මීටර් 25ක් පමණ වන රුපියල් ලක්ෂ ගණනක් වටිනා තඹ පටියක් මෙලෙස කපා සොරකම් කරගෙන ගොස් තිබෙනවා.
ඊයේ (08) රාත්‍රියේ මෙම සොරකම සිදුවන්නට ඇති බවට පොලිසිය සැක පළ කරනවා.
සිද්ධිය සම්බන්ධයෙන් ඉපලෝගම පොලිස් ස්ථානය වැඩිදුර පරීක්ෂණ මෙහෙයවනු ඇති.
ඔබේ ප්‍රතිචාරය කුමක්ද ?
+1
+1
+1
1
+1
+1
+1
+1
