සබරගමුව විශ්වවිද්යාලයේ සිසුන් පිරිසකට ලබා දුන් එන්නතක් විෂ වී ඉන් 07 දෙනෙකු රෝහල්ගත කර තිබෙනවා.
දසත ප්රාදේශීය වාර්තාකරු පැවසුවේ; එම සරසවියේ කෘෂි විද්යා පීඨයේ දෙවැනි වසර ඉගෙනුම ලබන සිසු සිසුවියන් පිරිසකට එම විශ්වවිද්යාලයේ වෛද්ය මධ්යස්ථානයෙන් ලබා දුන් එන්නතක් මෙලෙස විෂ වී ඇති බවයි.
මෙම සිසුන් හට පිටගැස්මට ලබාදෙන එන්නත් වර්ගය ලබා දී ඇති බවත්; එම එන්නත් වර්ගය මාස දෙකක් පමණ කල් ඉකුත් වී ඇති බවත් හෙළි ව තිබෙනවා.
එන්නත් ලබා ගැනීමෙන් අනතුරුව එක් ශිෂ්යයෙකු හා තවත් ශිෂ්යාවන් සයදෙනෙකු අසාත්මිකතා හටගෙන බෙලිහුල් ඔය රෝහලට ඇතුළත් කර ඇති බවයි වාර්තා වන්නේ.
මෙම විශ්වවිද්යාලයේ පිහිටි වෛද්ය මධ්යස්ථානයේ දී මීට පෙර ද ලබා දුන් ඖෂධ විෂ වීමක් හේතුවන් සිසුන් දෙදෙනකු සහ ආචාර්යවරයෙකු ද ජීවිතක්ෂයට පත් වූ බවයි ශිෂ්ය සංගමය චෝදනා කරන්නේ.
සිද්ධිය සම්බන්ධයෙන් විශේෂ විමර්ශනයක් කරන බව විශ්වවිද්යාලයේ උපකුලපති ජ්යෙෂ්ඨ මහාචාර්ය සුනිල් ශාන්ත මහතා පැවසුවා.
මේ අතර මෙම සිදුවීමට එරෙහිව අද (17) රාත්රියේ දී සරසවි සිසුන් වීදි බැස තිබෙනවා.
ඒ කෙතරම් පාලනාධිකාරිය දැනුම්වත් කළ ද, වෛද්ය මධ්යස්ථානයේ අර්බුද මෙතෙක් විසඳීමට නිසි ක්රියාමාර්ග ගෙන නොමැති බවට චෝදනා කරමින්.
ඔවුන් පන්දම් දල්වා ගනිමින් සිය විරෝධතාවයේ නිරත වන බවයි වාර්තා වන්නේ.
