කරාපිටිය රෝහලේ පිළිකා වාට්ටුවේ විශේෂඥ වෛද්‍ය ක්‍රිෂාන්ත පෙරේරාට පහරදුන් බව කියන සිද්ධියට අත්අඩංගුවට ගැනුණු සෞඛ්‍ය කාර්ය සහායක සේවකයින් දෙදෙනා සහ සේවිකාව ලබන 29 වනදා දක්වා රක්ෂිත බන්ධනාගාර ගතකර තිබෙනවා.
ඒ, සැකකරුවන් අද (21) ගාල්ල වැඩබලන මහේස්ත්‍රාත් මහිනාථ දහනායක මහතා වෙත ඉදිරිපත් කිරීමෙන් අනතුරුයි.
ලබන 29 වනදා දක්වා රක්ෂිත බන්ධනාගාර ගතකරන ලෙස නියෝගය නිකුත් කරමින් මහේස්ත්‍රාත්වරයා සඳහන් කළේ එදිනට සැකකරුවන් හඳුනාගැනීමේ පෙරට්ටුවකට ද ඉදිරිපත් කරන ලෙසයි.
පසුගිය 16 වනදා පැවති සෞඛ්‍ය වර්ජනයට පිළිකා වාට්ටුවේ සේවකයින් සහභාගිවීම සම්බන්ධයෙන් ඊට පසුදින වෛද්‍යවරයා සහ කණිෂ්ඨ කාරය මණ්ඩලය අතර ආරවුලක් ඇතිව තිබුණා.
ඒ, අතර තුර තමාට මෙම පහරදීම සිදුකළ බවටයි වෛද්‍යවරයා පැමිණිල්ලක් කර තිබුණේ.
එම පැමිණිල්ලට අනුව සැකකාර සෞඛ්‍ය කාර්ය සහායක සේවකයින් දෙදෙනා සහ සේවිකාව අද (21) පෙරවරුවේ අත්අඩංගුවට ගනු ලැබුවා.
මේ අතර මෙම ආරවුල අතර තුර සෞඛ්‍ය කර්ය සහායක මණ්ඩලයේ සේවිකාවකට සහ සේවකයෙකුට පහරදිමේ චෝදනාව යටතේ ඉකුත් 18 වන දින අත්අඩංගුවට ගත් මෙම වෛද්‍යවරයා හෙට (22) දිනය දක්වා රිමාන්ඩ් බන්ධනාගාර ගත කරනු ලැබුවා.
