එයාර් ඉන්දියා ගුවන් අනතුර පිළිබඳ මූලික වාර්තාව සිවිල් ගුවන් සේවා අමාත්යාංශය සහ අනෙකුත් අදාළ බලධාරීන්ට ඉදිරිපත් කර තිබෙනවා.
ඉන්දීය මාධ්ය වාර්තා කළේ, මෙම වාර්තාවේ කරුණු ඉතා ඉක්මනින් මහජනතාවගේ දැනගැනීම පිණිස මුදා හරින බවත්, විමර්ශනයේ මුල් අවධියේ දී රැස් කරන ලද දත්ත හා තොරතුරු මත මෙකී වාර්තාව ගොඩනැගී ඇති බවයි.
ගුවන් යානා අනතුරු විමර්ශන කාර්යාංශය (AAIB) එයාර් ඉන්දියා 171 ගුවන් අනතුර පිළිබඳ සිය මූලික වාර්තාව මෙම සතිය අග දී මහජනතාවට නිකුත් කරන බව නිලධාරීන් පැවසුවා.
මූලික වාර්තාවේ සන්දර්භය කුමක් දැයි මෙතෙක් හෙළි ව නොමැති අතර, එම වාර්තාවෙන් අනතුරට බලපෑ ප්රධානතම හේතුව කුමක්දැයි කරුණු අනාවරණය කරනු ඇති බවයි වාර්තා වන්නේ.
ජුනි 12 වන දින, අහමදාබාද්හි සර්දාර් වල්ලභ්භායි පටෙල් ගුවන්තොටුපළේ සිට ලන්ඩන් බලා පියාසර කරමින් තිබූ එයාර් ඉන්දියා ගුවන් යානය ගුවන් ගත වී තත්පර 32 ක් ඇතුළත කඩා වැටුණු අතර, කැබින් කාර්ය මණ්ඩල සාමාජිකයින් 10 දෙනෙකු සහ නියමුවන් දෙදෙනෙකු ඇතුළුව යානයේ සිටි 241 දෙනෙකු පිළිස්සුම් තුවාල ලබා ජීවිතක්ෂයට පත් වුණා.
හිටපු ගුජරාට් මහ ඇමති විජේ රූපානි ද මෙම බිහිසුණු අනතුරට ගොදුරු වූවන්ගෙන් කෙනෙක්.
සිද්ධියෙන් සතියකට පසු, ගුවන් සමාගමේ බෝයිං 787 ගුවන් යානා බලඇණියේ අවම වශයෙන් එයාර් ඉන්දියා පුහුණු නියමුවන් තිදෙනෙකු මුම්බායි හි අනතුරට හේතු විය හැකි අවස්ථා නැවත නිර්මාණය කිරීමට උත්සාහ කළ බව ද ඉන්දීය මාධ්ය වාර්තා කළා.
