බෝඩර් ගවස්කාර් ටෙස්ට් කුසලානයේ සිව්වැනි ටෙස්ට් තරගයේ දෙවැනි දිනය අද (27) දිනයයි.
ඊයේ (26) තරගය මෙල්බර්න් නුවර දී ‘ බොක්සිං ටෙස්ට් තරගයක්’ ලෙසටයි ආරම්භ වූයේ.
තරගයේ කාසියේ වාසිය දිනූ නායක පැට් කමින්ස් පළමු ව පන්දුවට පහරදීමට තීරණය කළා.
ඒ අනුව ඔස්ට්‍රෙලියා කණ්ඩායම සිය පළමු ඉනිමට සියල්ලන් ම දැවී ලබාගත් ලකුණු සංඛ්‍යාව ලකුණු 474ක්.
ඔස්ට්‍රෙලියාව වෙනුවෙන් ටෙස්ට් වරම් දිනූ සිව්වැනි ළාබාලතම ක්‍රීඩකයා වූ සෑම් කොන්ස්ටන්ස් අනර්ඝ අර්ධ ශතකයක් ද ලබාගත්තේ පන්දු 65ක දී ලකුණු 60ක් බවට සටහන් කරගනිමින්.
ස්ටීවන් ස්මිත් 33 වැනි ටෙස්ට් ශතකය ලබාගත්තේ ලකුණු 140ක් රැස් කරමින්.
මාර්නස් ලබුශේන්ග් සහ උස්මන් කවජා ටෙස්ට් අර්ධ ශතක ලබා ගත්තා.
පැට් කමින්ස් ලකුණු 49යි.
මෙවර ඉන්දියාවට එරෙහිව කවදත් සාර්ථක වූ ට්‍රවිස් හෙඩ් හට සුබ වූයේ නැහැ.
ඔහු කිසිදු ලකුණක් නොලබා ම පිටියෙන් ඉවත් කිරීමට බුම්‍රා සමත් වුණා.
කඩුලු බිඳ දැමීමේ දී ජස්ප්‍රිට් බුම්‍රා කඩුලු 04ක්, ජඩේජා කඩුලු 03ක් සහ අකාෂ් ඩීප් කඩුලු 02ක් බිඳ හෙලුවා.
වොෂින්ටර් සුන්දර් එක් කඩුල්ලයි.
මේ වනවිට ඉන්දීය පිල කිසිවෙකු නොදැවී ලකුණු 03ක් ලබා සිටිනවා.
යශස්වි ජයිස්වාල් සමගින් නායක ශර්මා පිටියෙහි රැඳී සිටිනවා.
