විදේශයන්හි සිට පැමිණෙන සියලු දෙනා මෙරටට ඇතුල්වීමේදී පීසීආර් පරීක්ෂණයට (Entry PCR) ලක් කිරීම මේ මොහොතේදී ඉතා වැදගත් බව රාගම වෛද්ය පීඨයේ ජ්යෙෂ්ඨ මහාචාර්ය අර්ජුන ද සිල්වා ප්රකාශ කර සිටිනවා.
ඔමික්රෝන් පැතිරීම වැළැක්වීම සඳහා එවැනි ක්රියාමාර්ගයක් ගත යුතු බවයි මහාචාර්යවරයා වැඩිදුරටත් සඳහන් කළේ.
කිසියම් පුද්ගලයකු මෙරටට ඇතුළුවීමේදී PCR පරීක්ෂණයකට යොමු කර එසැණින්ම ඔහුට හෝ ඇයට හෝටලයකට හෝ නවාතැන් ගන්නා ස්ථානයකට යොමු කළ හැකි බවත් පීසීආර් පරීක්ෂණයේ ප්රතිඵල විශේෂිත ජංගම දුරකථන යෙදවුමක් (App) මාර්ගයෙන් අදාළ පුද්ගලයාට දැනුම් දිය හැකි බවත් ජ්යෙෂ්ඨ මහාචාර්යවරයා සඳහන් කර සිටියේ.
මෙරටට පැමිණෙන පුද්ගලයාට හෝ සංචාරකයාට මෙවැනි වැඩපිළිවෙළක් ක්රියාත්මක කිරීමෙන් කිසිදු හිරිහැරයක් හෝ බාධාවක් ඇති නොවන බව පැවසූ අර්ජුන ද සිල්වා මහතා ඩුබායි රාජ්යයේ මෙම වැඩපිළිවෙළ ඉතා සාර්ථකව ක්රියාත්මක කරන බවද ප්රකාශ කළේ.
විශේෂයෙන්ම මෙවැනි වැඩපිළිවෙළක් ක්රියාත්මක කිරීමෙන් සංචාරක කර්මාන්තයට කිසිදු බාධාවක් ඇති නොවන බවද ඔහු පෙන්වා දුන්නේ.
මේ අතර රටට ඔමික්රෝන් මෙන්ම තවත් වයිරස ප්රභේද ඉදිරියේදී ඇතුළු විය හැකි බවත් මෙම වයිරස ප්රභේදවලින් වැළකීමට ඇති එකම සහ ප්රධානතම මාර්ගය කොවිඩ් තෙවැනි එන්නත් මාත්රාව බවයි ජ්යෙෂ්ඨ මහාචාර්යවරයා සඳහන් කළේ.
