ඔත්තු බැලීමේ වරදට ප්‍රසිද්ධ මාධ්‍යවේදියෙකුට හත් වසරක් සිරදඬුවම්

චීනයේ ප්‍රසිද්ධ මාධ්‍යවේදියෙකු වන Dong Yuyu ව පොලිස් අත් අඩංගුවට ගෙන අධිකරණයට ඉදිරිපත් කිරීමෙන් පසුව ඔහුට වසර 07ක සිර දඬුවම් නියම වී තිබෙනවා.

විදෙස් මාධ්‍ය වාර්තා කළේ; මෙම සැකකාර චීන මාධ්‍යවේදියා විසින් 2022 වසරේ පෙබරවාරි මාසයේ දී අවන්හලක දී ජපන් රාජ්‍ය තාන්ත්‍රිකයෙකු වූ Hideo Tarumi හමු වූ අවස්ථාවේ දී මෙලෙස ඔත්තු බලා ඇති බවයි.

මෙය බරපතළ වරදක් බවත් බීජිං අධිකරණයේ දී හෙළි ව තිබෙනවා.

විස්තර විචාරකයෙකු සහ කර්තෘවරයෙකු වන Dong Yuyu 2022 වර්ෂයේ සිට මේ දක්වා සිටියේ පොලිස් සිර භාරයේයි.

චීන රජය සතු ප්‍රවෘත්ති ජාලා 05න් එකක් වන Guangming Daily නියෝජ්‍ය කර්තෘවරයා ලෙසටයි මෙම සැකකාර මාධ්‍යවේදියා කටයුතු කළේ.