දඹුල්ල , තඹුත්තේගම සහ කැප්පෙටිපොළ යන ආර්ථීක මධ්යස්ථානයන්හි එළවළු මිලෙහි අද විශාල ලෙස පහළ ගොස් තිබුණා.
එළවළු ඉල්ලුම අඩුවීම මෙන්ම කාලගුණික තත්ත්වය යහපත් අතට හැරීමෙන් අස්වනු හානිය අවම වීම මීට ප්රධාන හේතුවක් වනවා
පසුගිය මාස කිහිපයක් පුරා මෙරට එළවළු මිල ගණන් පැවතියේ පාරිභෝගිකයාට දරා ගත නොහැකි තරම් ඉහළ මට්ටමකයි.
කෙසේ වෙතත් අද වන විට මෙරට ප්රධාන අර්ථික මධ්යස්ථාන සියල්ලෙහිම පාහේ එළවළු මිල ශීඝ්රයෙන් පහළ වැටී තිබෙනවා.
දඹුල්ල සහ කැප්පෙටිපොල ආර්ථික මධ්යස්ථාන සැලකීමේදී කලකට පෙර කිලෝ ග්රෑමයක් රුපියල් 3000ට පමණ අලෙවි වූ කැරට් මිල රුපියල් 300ක් දක්වා පහත වැටී තිබුණා.
බෝංචි කිලෝ ග්රෑමයක මිල රුපියල් 500ක් දක්වාත් ලීක්ස් කිලෝ ග්රෑමයක මිල රුපියල් 200ක් දක්වාත් පහත වැටී තිබෙනවා.
රුපියල් 2000ක් පමණ මිලකට අලෙවි වූ අමුමිරිස් කිලෝ ග්රෑමයක් අද අලෙවි වූයේ රුපියල් 400ත් 500ත් අතර මිලකටයි.
පහතරට රට එළවළු තොග විශාල වශයෙන් ලැබෙන තඹුත්තේගම ආර්ථික මධ්යස්ථානයේ එළවළු මිල ගණන් ද කැපී පෙනන ලෙස පහළ ගොස් තිබුණා.
බොහෝ එළවළු වර්ගවල මිල පැවතියේ රුපියල් 100ත් 150ත් අතර අගයකයි.
