විවිධ තාක්ෂණික දෝෂ යැයි පවසමින් අද (17) දින ඩ්රීම්ලයිනර් ජාත්යන්තර ගුවන් ගමන් කිහිපයක් ම අවලංගු කිරීම හේතුවෙන් එයාර් ඉන්දියා ගුවන් මෙහෙයුම්වලට දැඩි බලපෑමක් එල්ල වූ බව ඉන්දීය මාධ්ය වාර්තා කරනවා.
අහමදාබාද් සිට ලන්ඩන් දක්වා වූ ගුවන් ගමන් වාර ද ගුවන් යානා නොමැති වීම මත අවලංගු කර ඇති බවයි එයාර් ඉන්දියා ගුවන් සේවය පවසා ඇත්තේ.
ජුනි 12 වන දින අහමදාබාද්හි සර්දාර් වල්ලභභායි පටෙල් ජාත්යන්තර ගුවන්තොටුපළෙන් ගුවන්ගත වී ටික වේලාවකට පසු ලන්ඩන් බලා පිටත් වූ බෝයිං 787-8 ඩ්රීම්ලයිනර් ගුවන් යානය නේවාසිකාගාර සංකීර්ණයකට කඩා වැටීමෙන් මගීන් සහ කාර්ය මණ්ඩලය 241 දෙනෙකු මිය යාමෙන් දින කිහිපයකට පසු, එයාර් ඉන්දියා ජාත්යන්තර ගුවන් ගමන් කිහිපයක් මෙලෙස අද දිනයේ දී අවලංගු කෙරුණා.
අහමදාබාද් සිට ගැට්වික් දක්වා පියාසර කිරීමට නියමිතව තිබූ එයාර් ඉන්දියා ගුවන් සේවයේ තවත් ගුවන් ගමනක් ද අද දින අවලංගු කළ බවයි වාර්තා වන්නේ.
ගුවන් අවකාශය සීමා කිරීම සහ අතිරේක පූර්වාරක්ෂාව පරීක්ෂා කිරීමේ ප්රතිඵලයක් ලෙස අහමදාබාද් සිට ලන්ඩනයේ ගැට්වික් දක්වා පියාසර කිරීම අවලංගු කර ඇති බව එයාර් ඉන්දියා අද දින නිවේදනය කළා.
කිසියම් තාක්ෂණික දෝෂයක් හේතුවෙන් ගුවන් ගමන අවලංගු කර ඇති බවට කරන ප්රකාශ එයාර් ඉන්දියන් ගුවන් සමාගම ප්රතික්ෂේප කර ඇති බවයි හින්දුස්තාන් පුවත් සේවය වාර්තා කළේ.
මගීන්ට ඇති වූ අපහසුතාව ගැන කනගාටු වන බව පවසමින්, ඔවුන් ඔවුන්ගේ ගමනාන්තයට පියාසර කිරීමට විකල්ප විධිවිධාන යොදා ඇති බව ගුවන් සමාගම වැඩිදුරටත් පැවසුවා.
මූලාශ්රය – https://www.hindustantimes.com/
