එක්දින සහ විස්සයි විස්ස තරගාවලියක් වෙනුවෙන් සිම්බාබ්වේ කණ්ඩායම ලබන වසරේ ජනවාරි මාසයේ මෙරට සංචාරය කිරීමට නියමිතයි.
සිම්බාබ්වේ කණ්ඩායමේ මෙම තරග සංචාරය තුළ එක්දින තරග තුනක් සහ විස්සයි විස්ස තරග තුනක් පැවැත්වීමට නියමිත බවයි වාර්තා වුණේ.
ඒ, අනුව එක්දින තරගාවලිය ජනවාරි මස 06 වනදා දිවා රාත්‍රී තරගයක් ලෙස පල්ලේකැලේ ජාත්‍යනතර ක්‍රිකට් ක්‍රීඩාංගණයේ දී පැවැත්වීමටයි සැලසුම් කර ඇත්තේ.
දෙවන සහ තුන්වන එක්දින තරග ද දිවා රාත්‍රී තරග ලෙස පල්ලේකැලේ ජාත්‍යනතර ක්‍රිකට් ක්‍රීඩාංගණයේ දී ජනවාරි 08 සහ 11 යන දිනවල දී පැවැත්වීමට නියමිතයි.
මේ අතර මෙම තරගාවලිය තුළ යළිත් රංගිරි දඹුලු ක්‍රිකට් ක්‍රීඩාංගණයේ දී ජාත්‍යන්තර තරග පැවැත්වීමට තීරණය කර තිබීම ද විශේෂත්වයක්.
ඒ, අනුව සිම්බාබ්වේ කණ්ඩායම සමඟ පැවැත්වෙන විස්සයි විස්ස තරගාවලියේ සියලු තරග රංගිරි දඹුලු ජාත්‍යන්තර ක්‍රිකට් ක්‍රීඩාංගණයේ දී පැවැත්වීමටයි සැලසුම් කර ඇත්තේ.
විස්සයි විස්ස තරගාවලියේ තරග තුන ලබන ජනවාරි 14,16 සහ 18 යන දිනයන්වල දී පැවැත්වීමට නියමිත අතර, දිවා රාත්‍රී තරග ලෙසයි මෙම තරග පැවැත්වෙන්නේ.
