2023 වර්ෂයට අදාළ අපොස උසස් පෙළ විභාගයේ අයදුම්පත් කැඳවීම ඊයේ (07) දිනයේ සිට ආරම්භ කළා.
ඒ, අනුව මේ මස 28 වැනිදා දක්වා පාසල් සහ පෞද්ගලික අයදුම්කරුවන්ට මාර්ගගත ක්‍රමයට අයදුම්පත් යොමු කිරීමේ හැකියාව පවතිනවා.
සියලුම අයුම්කරුවන් විභාග දෙපාර්තමේන්තුවේ නිල වෙබ් අඩවිය වන www.doenets.lk හෝ www.onlineexams.gov.lk/eic හෝ එම දෙපාර්තමේන්තුවේ නිල ජංගම දුරකථන යෙදවුම ‘ DoE ’ වෙත පිවිස උපදෙස් හොදින් කියවා නිවැරදි මාර්ගගත ක්‍රමයට අයදුම්පත් යොමුකළ යුතු බවයි විභාග දෙපාර්තමේන්තුව සඳහන් කළේ.
රජයේ සහ රජයේ අනුමත පෞද්ගලික පාසල්වල සිසු සිසුවියන් ඉගෙනුම ලබන පාසලේ විදුහල්පතිවරයා මඟින් ද, පෞද්ගලික අයදුම්කරුවන් පෞද්ගලිකව ද අයදුම්පත් යොමුකළ යුතු වනවා.
රජයේ සහ රජයේ අනුමත පෞද්ගලික පාසල්වල විදුහල්පතිවරුන්ට ලබා දී ඇති පරිශීලක නාමයන් සහ මුරපද භාවිතයෙන් අයදුම්පත් යොමුකළ කිරීමේ හැකියාව පවතිනවා.
එමෙන්ම පෞද්ගලික අයදුම්කරුවන් සිය ජාතික හැදුනුම්පත් අංකය භාවිත කර අයදුම්පත් යොමුකළ යුතු බව ද සඳහන්.
සියලුම අයදුම්කරුවන් අයදුම්පත ඉදිරිපත් කිරීමෙන් පසුව එහි මුද්‍රිත පිටපතක් අවශ්‍ය අවස්ථාවක දී ඉදිරිපත් කිරීමට සුරක්ෂිතව තබාගත යුතු බවට ද විභාග දෙපාර්තමේන්තුව මෙහිදී උපදෙස් ලබා දී තිබෙනවා.
අයදුම්පත් යොමු කිරීම සම්බන්ධයෙන් අවශ්‍ය වැඩි විස්තර දැනගැනීමට 1911 සෘජු දුරකථනය හෝ 0112784208, 0112784537 සහ 0112786616 අංකවලට අමතා තොරතුරු ලබාගත හැකියි.
