කළුතර මහේස්ත්රාත් අධිකරණයේ ප්රධාන දොරටුවේ රාජකාරි නියුතුව සිටි පොලිස් නිලධාරියෙකුට පහරදීම සම්බන්ධයෙන් අඹුසැමි යුවළක් ඊයේ (07) අත්අඩංගුවට ගත් බව කළුතර දකුණ පොලිසිය පවසනවා.
මෙලෙස අත්අඩංගුවට ගෙන ඇත්තේ කළුතර, කිතුලාව ප්රදේශයේ පදිංචි අඹුසැම් යුවළක්.
මෙම යුවළ කළුතර මහේස්ත්රාත් අධිකරණයේ පැවති නඩුවකට පෙනී සිටීමට පැමිණ ඇති අතර, එහිදී සැකකරු අධිකරණයට උචිත නොවන ඇඳුමකින් සැරසී ඇති බවයි හෙළිව ඇත්තේ.
එම අවස්ථාවේ දී අධිකරණයේ ප්රධාන දොරටුවේ රාජකාරි නියුතුව සිටි කොස්තාපල්වරයෙක් ඒ බව අදාළ සැකකරුට දැනුම් දී ඇති අතර, එහිදී සැකකාර යුවළ කොස්තාපල්වරයාට පහර දී තිබෙනවා.
පහර කෑමට ලක් වූ කොස්තාපල්වරයා කළුතර ශික්ෂණ රෝහලේ ප්රතිකාර ලබන අතර, අත්අඩංගුවට ගැනුණු සැකකාර යුවළ ඇපමත මුදාහැර ඇති බවයි වාර්තා වන්නේ.