- ශරීරයේ ඇග මැලි කැඩීම
සාමාන්යයෙන් අපි කාටත් පොදුවෙ හිතෙන දෙයක් තමා උදේ නැගිට්ට ගමන් නිදිමත නැතිකරගන්න කියල ඇගමැලි කැඩීම. ඒ කියන්නෙ ශරීරය එහෙට මෙහෙට ඇඹරීම. ඒත් ඇතැම් වෛද්යවරුන් පවසන ආකාරයට ඒක ඕනෑවට වඩා කලොත් අපේ ශරීරයට විශේෂයෙන් කොන්දට යම් කිසි හානියක් වෙන්න පුලුවන්. මේ පිළිබදව පරීක්ෂණ සිදුකල විද්යාඥයින් පවසන්නේ නින්ද අතරතුර දී කොදු ඇට පෙලේ ස්වභාවික නැවත විජලනය කිරීමේ කොටසක් ලෙස තරලය තරල අවශෝෂණය වීමක් සිදුවන බවයි. මෙම හේතුවෙන් තරලයේ ක්රියාකාරිත්වය තරමක් සීමා සහිත විය හැක. එම නිසා අවදි වූ සැනින් සාමාන්ය ඉරියව් පැවැත්වීම සුදුසුය.
- තව ටිකක් නිදා ගැනීම
කලින් කරුණ වගේම තමා මේකත්. බොහෝ අයට තියන ගැටලුව උදෑසන ඇහැරෙන එක නෙමේ ඇදෙන් එලියට එන එක. ඒ කියන්නෙ අපි කාටත් නින්දෙදි තියන සුවය සිහිවෙන්නෙ නිදියන කොට නෙමේ ඇහැරෙන කොට. ඉතින් සමහරු ආයෙමත් එලාර්ම් තියල නිදියනව. තවත් අය හිතින් නැවත් කෙටි නින්දකට හේතුවක් සාධාරණීකරණය කරලත් නිදියනව. කොහොම හරි මේ හැමෝටම මුහුණ දෙන්න වෙන ඊළග කරුණ තමා මුලින් ඇහැරෙනවට වටා අපහසුවෙන් තමා පස්සෙ ඇහැරෙන්න වෙන්නෙ. ඇතැම් විද්යාඥයින් මත පල කරන්නෙ බිදී ගිය නින්ද එතරම් සෞඛ්ය ආරක්ෂිත නොවන බවත් මුල් නින්දට වඩා පසුව ඇහැරීම නැවුම් බවක් වෙනුවට උමතු බවක් එක් කාරන බවයි. ඒ නිසා හොදම කරුණ අමතරව තවත් නිදියනවට වඩා රාත්රියේදී අමතර වේලාවක් කලින් නිදියන එක.
- සමාජ මාධ්ය ගිණුම් පරික්ෂා කිරීම
ඇතැම් අයට අවදි වූ සැනින් පුරුද්දක් ලෙස හිස් බවක් හෝ වෙනත් කලයුතු දෙයක් සිහි නොවන බැවින් බොහෝ දෙනෙකු අවදි වූ සැනින් තමන්ගේ සමාජ මාධ්ය ගිණුම් පරික්ෂා කිරීමට හුරුවී සිටිති.
මෙහිදී බොහෝ වේලාවට ඔබ පෙර දින කල කී දේ පිළිබඳව අධි තක්සේරුවකට හෝ අවතක්සේරුවට හෝ පත් වෙනු ඇත. එසේ නොමැතිනම් අනුන් ගේ ඕපා දූප පිළිබඳව මනසට අවධානය යොමු කරනු ඇත. මේ පිළිබඳව වෛද්ය මතය වන්නේ මේ හේතුවෙන් මනස යම් කිසි ආතතියකට පත්විය හැකි බවයි. එනම් නොයෙක් කරුණු ඔස්සේ ඔබේ මොලයට අධික උත්තේජනයක් එක් කිරීමෙන් මෙය සිදුවිය හැක. උදෑසනින්ම බාහිර කරුණු ගැන අවධානය යොමු කිරීමෙන් ඔබට ඔබගේ හැගීම් වෙනුවට අනුන්ගේ හැගීම් සමග දවස පවත්වන්නට සිදුවනු ඇත.
