මෙරට සම්බුදු දහමින් ඒකාලෝකමත් වූ උතුම් පොසොන් පුර පසළොස්වක පොහොය අදට (21) යෙදී තිබෙනවා.
මිහිදු මහ රහතන් වහන්සේ ප්රමුඛ පිරිස මෙරටට වැඩම කරවීම අදවන් පොසොන් පොහොය දිනක සිදුවූ අතර, මිහිදු මහ රහතන් වහන්සේගේ ආගමනයත් සමඟ මෙරට බුදු දහම ස්ථාපිත වුණා.
එමෙන්ම දේවානම්පියතිස්ස රජු ඇතුළු පිරිස චුල්ලහත්ථි පදෝපම සූත්රය අසා තෙරුවන් සරණ යාම සිදු වූයේද අද වැනි පොසොන් පොහොය දිනක බව ශාසන ඉතිහාසයේ සඳහන්.
මිහින්තලා පව්වේදී භණ්ඩුක උපාසකවරයා පැවිදිකොට මහණ උපසම්පදාව සිදුකිරීම පොසොන් පොහොය දිනයේ සිදුවූ තවත් වැදගත් සිදුවීමක්.
පොසොන් මංගල්ය වෙනුවෙන් මිහින්තලාව ප්රමුඛ අනුරාධපුර අටමස්ථානය ඇතුළු දිවයිනේ සියලු වෙහෙර විහාරවල විවිධ පිංකම් සංවිධාන කර තිබෙනවා.
මෙවරත් ජාතික පොසොන් උත්සවය පැවැත්වෙන්නේ මිහින්තලා පුදබිම කේන්ද්ර කරගනිමින්.
මේ අතර ‘දසත’ මාධ්ය ජාලය සංවිධානය කරන, ‘දසත බෝපත’ පොහෝ දා වැඩසටහන මෙවර පැවැත්වෙන්නේ අලව්ව මෙත්මුණි මහා සෑය කේන්ද්ර කරගනිමින්.
ඒ, අනුව අද දිනය පුරා ආමිස සහ ප්රතිපත්ති පූජා රැසක් ද එහිදී සිදු කිරීමට නියමිත අතර, දසත ෆේස්බුක් පිටුවෙන් සහ යූටියුබ් නාළිකාව ඔස්සේ ඔබට ඒ හා සජීවීව සම්බන්ධ වීමේ හැකියාව පවතිනවා.
