එළඹෙන උත්සව සමයේ දී ව්යාජ මුදල් නෝට්ටු සංසරණක් පිළිබඳව පොලිසියට පැමිණිලි කිහිපයක් ලැබී ඇති බව පොලිස් මාධ්ය ප්රකාශක සහකාර පොලිස් අධිකාරී එෆ්.යු. වුට්ලර් පවසනවා.
මුදල් නෝට්ටුවක් පිළිබඳව යම් සැකයක් ඇතිවුවහොත් ඒ පිළිබඳව ළඟම ඇති පොලිස් ස්ථානයට ගොස් පැමිණිලි කරන ලෙසයි පොලිසිය මහජනතාවට දැනුම් දෙන්නේ.
පොලිස් මාධ්ය ප්රකාශකවරයා සඳහන් කළේ 2024 සහ 2025 වර්ෂයන්වල දී වැඩි ප්රමාණයක් ව්යාජ ලෙස මුද්රණය කර ඇත්තේ රුපියල් පන්දහසේ නෝට්ටුව බවයි.
මේ අතර 2024 වසර තුළ රුපියල් පන්දහසේ ව්යාජ නෝට්ටු 596ක් අපරාධ පරීක්ෂණ දෙපාර්තමේන්තුව භාරයට ගෙන ඇති අතර, 2025 වසරේ මේ දක්වා කාලය තුළ රුපියල් පන්දහසේ ව්යාජ නෝට්ටු 535ක් පොලිස් භාරයට ගෙන තිබෙනවා.
ඒ, අනුව එළඹෙන උත්සව සාමය තුළ ව්යාජ මුදල් නෝට්ටු පිළිබඳව වැඩි අවදානයකින් පසුවන ලෙසයි වෙළඳුන් සහ පාරිභෝගිකයින්ට පොලිසිය දැනුම් දෙන්නේ.
ව්යාජ මුදල් නෝට්ටු සන්තකයේ තබා ගැනීම, මුද්රණය කිරීම, මුද්රණය සඳහා උපකරණ සන්තකයේ තබා ගැනීමේ වරද සඳහා බරපතළ වැඩ සහිත වසර 20ක සිරඬුවම් පැනවිය හැකි බව ද පොලිස් මාධ්ය ප්රකාශකවරයා වැඩිදුරටත් සඳහන් කළේ.
