ඊශ්‍රායලය විසින් දියත් කළ ගුවන් ප්‍රහාරයන් හමුවේ පලස්තීනයේ තට්ටු 13කින් යුතු නිවාස සංකීර්ණයක් මුළුමනින්ම පොළොවට සමතලා වී තිබේ.
ගොඩනැගිල්ල කඩා වැටීමට පෙර දැවැන්ත ශබ්දයක් සමඟින් කළු දුමාරයක් පිටවෙන ආකාරයත් ඉන්පසුව ගොඩනැගිල්ල සම්පුර්ණයෙන් කඩා වැටී ඇතැයි වාර්තා වෙයි.
Jewish Press පුවත්පත වාර්තා කර ඇති ආකාරයට ඊශ්‍රායලය විසින් මෙම ප්‍රහාරය දියත් කිරීමට පෙර පිපිරුම් බලයක් නොමැති ව්‍යාජ මිසයිල ප්‍රහාර දෙකක් පලස්තීනය වෙත එල්ල කොට අනතුරු ඇඟවීමක් කර ඇති බවත්, ගොඩනැගිල්ලට ප්‍රහාරය එල්ල කිරීමට පෙර අනතුරු ඇඟවීමේ පණිවිඩ ලබාදී ඇති බවත් සඳහන් වෙයි.
පලස්තීන මාධ්‍ය විසින් සඳහන් කර තිබුණේ ප්‍රහාරයන් කිසිවෙකුටත් හානියක් වුණාදැයි තවමත් හෙළිවී නොමැති බවත්, අවට තිබූ ගොඩනැගිලි කිහිපයකට හානි සිදුව ඇති බවත් සඳහන් වෙයි.
එමෙන්ම පලස්තීන හමාස් සටන්කාමීන් පණිවිඩයක් නිකුත් කරමින් ඊශ්‍රායලය වෙත අනතුරු අඟවා තිබුණේ සිවිල් වැසියන් ඉලක්ක කරගෙන ප්‍රහාර එල්ල නොකරන ලෙසයි.
පසුගිය 06 වැනිදා ජෙරුසලමේ ඊශ්‍රායල පොලීසිය සහ පලස්තීන වැසියන් අතර ඇති වූ ගැටුමකින් පසුව පලස්තීන හමාස් සටන්කාමීන් විසින් පසුගිය 10 වැනිදා ඊශ්‍රායලය වෙත රොකට් ප්‍රහාර එල්ල කිරීමට කටයුතු කිරීමත් සමඟ දෙරට අතර යුද්ධයක් හටගෙන තිබේ.
එම ගොඩනැගිල්ල කඩා වැටෙන ආකාරය සමාජ මාධ්‍ය ඔස්සේ මෙලෙස පළ කර තිබුණි
