පවතින යුදමය තත්ත්වය නිසා ඊශ්රායලයට ශ්රමිකයින් පිටත්කර හැරීම තාවකාලිකව අත්හිටුවා ඇති බව කම්කරු හා විදේශ රැකියා අමාත්ය මනුෂ නානායක්කාර පවසනවා.
අද පැවති මාධ්ය හමුවකදී විශේෂ ප්රකාශයක් මේ යටතේ සිදු කරමිනුයි කම්කරු අමාත්යවරයා මේ බව සඳහන් කළේ.
රටක් විදියට ඊශ්රායලයට මේ දිනවල ඇති ව තිබෙන යුදමය තත්ත්වයට සිය කනගාටුව ද පළ කරන බව මනූෂ නානායක්කාර අමාත්යවරයා සඳහන් කළා.
මෙරටින් පිටත්ව ගිය ශ්රමිකයින්ගේ ආරක්ෂාව සම්බන්ධයෙන් තොරතුරු ලබාගැනීමට විශේෂ වට්ස්අප් අංකයක් ද මේ වනවිට හඳුන්වා දී ඇති බවයි අමාත්යවරයා පැවසුවේ.
ඕනෑම අවස්ථාවක සිය ඥාතීන් හෝ හිත මිත්රාදීන් සම්බන්ධයෙන් (ඊශ්රායලයේ වෙසෙන) විදේශ කටයුතු අමාත්යාංශයට පැමිණ තොරතුරු විමසීමට හැකි බව ද කම්කරු අමාත්ය මනූෂ නානායක්කාර වැඩිදුරටත් සඳහන් කළා.
ඊශ්රායලයේ සේවය කරන ශ්රී ලාංකික ශ්රමිකයින්ට යළි මෙරටට පැමිණීමට අවශ්ය නම්’ ඒ සඳහාත් අවශ්ය කටයුතු සූදානම් කර ඇති බව ද අමාත්යවරයා මෙහිදී කියා සිටියා.
