ඉසුරු ලොකුහෙට්ටිආරච්චි කියන්නේ මේ දිනවල පුළුල් තිරයේ රට පුරා දකින්න ලැබෙන චරිතයක්. සිනමාවත් පුංචි තිරයත් එක්ක එකතු වෙන ඉසුරු වැඩිහිටියන්ට පමණයි කියන ලේබලය වැටුණු සිනමාපටයකින් දකින්න ලැබෙන නිසා මේ දිනවල ඔහු ගැන කවුරුත් කතා කරනවා. සමාජ ජාල මාධ්‍යන් තුලින් කා අතරත් අතිශයින්ම කතා බහට මෙන්ම උපහාසයට ලක්වෙන්නේ ඔහුගේ රංගන විලාශය වගේම දකුණේ මේ භාෂා විලාශයත් නිසාමයි. ඉතින් ඒ වගේම බොහෝ දෙනෙක් ආදරය කරන ඉසුරු රංගන ශිල්පියෙක් විතරක්ම නෙමෙයි. දක්ෂ හඬ කැවීම් ශිල්පියෙක් බවත් ඔබ දන්නවාද. පසුගිය කාලයේ TV දෙරණ නාලිකාවේ විකාශනය වුනු ‘බෝයිස් ඕවර් ෆ්ලවර්ස්’ කියන කොරියානු ටෙලි සිත්තමේ ප්‍රදාන පිරිමි චරිතය වන ගුජුන්පියෝට හඬ කැව්වේත් ඉසුරු ලොකුහෙට්ටිආරච්චි කියලා බොහෝ දෙනෙක් දන්නේ නැතුව ඇති.
ඉසුරු ලොකුහෙට්ටිආරච්චිගේ අපූරුතම රංගනය වෙන දකුණේ කොල්ලගේ රංගනය නිසා ඔහු කලා ශිල්පීන් මිතුරු මිතුරියන් අතරෙත් නිරන්තරයෙන්ම විහිලුවට ලක්වෙලා තියනවා. මේ අපූරු දක්ෂ කඩවසම් රංගන ශිල්පියාගේ උපන්දිනය පහුගිය දවසක යෙදිලා තිබුණා. කොහොම නමුත් මේ උපන්දිනය ඉසුරු ලොකුහෙට්ටිආරච්චි කළා තරු රැසක්ම එකතු කරගෙන බොහොම ජයට සමරලා තියනවා.
