කොන්දේසි විරහිතව යටත්වීම සඳහා එක්සත් ජනපදය කළ ඉල්ලීම සිහිනයක් බව ඉරාන ජනාධිපති මසූඩ් පෙසෙෂ්කියන් අවධාරණය කරනවා.
ඇමරිකානු ජනාධිපති ඩොනල්ඩ් ට්රම්ප් ඉරානයෙන් කොන්දේසි විරහිතව යටත් වන ලෙස ඉල්ලා සිටීමෙන් අනතුරුව ඔහු මෙම ප්රකාශ සිදුකළේ ඉරාන රාජ්ය රූපවාහිනියේ අද පෙරවරුවේ විකාශනය වූ කතාවකදීයි.
මෙහිදී ඉරාන ජනාධිපතිවරයා අසල්වැසි රාජ්යයන්ට පහරදීමට සිදුවීම සම්බන්ධයෙන් සමාව අයැද සිටීම ද විශේෂත්වයක්.
කලාපීය රටවලට ඉරානය එල්ල කළ ප්රහාර සම්බන්ධයෙන් සමාව අයැද සිටි ඔහු එම ප්රහාර වැරදි සන්නිවේදනයන් නිසා සිදු වූ බවයි ඔහු මෙහිදී සදහන් කළේ.
ටෙහෙරානයට පළමුව පහර දෙන්නේ නම් මිස පහරදීමක් සිදුනොකරන බවයි ඔහු මෙහිදී අවධාරණය කළේ.
“ඉරානය විසින් පහර දුන් අසල්වැසි රටවලට ඉරානය වෙනුවෙන් මම සමාව අයැදිය යුතුයි. අසල්වැසි රටවලට තවදුරටත් ප්රහාර එල්ල නොකරන බවට සහ ඉරානයට ප්රහාරයක් එම රටවලින් ආරම්භ නොවන්නේ නම් මිසයිල ප්රහාර එල්ල නොකරන බවට අන්තර්කාලීන නායකත්ව මණ්ඩලය ඊයේ එකඟ වුණා”
