කොවිඩ් වැලදුණ මෘත දේහ භුමාදාන කිරිමට අනුමැතිය ලැබිමත් සමග පසු ගියදා රජය විසින් ඒ සදහා ස්ථානයක් තෝරාගනු ලැබුවා.ඒ ඉරණතිව් දුපත. ඒ සදහා මෘත දේහ වැළලීමට යැයි ඉරනතිව් දූපතේ සැකසු වළවල් දූපත් වැසියන් විසින් වසා දමින් දූපතට කොරෝනා මෘත දේහ ගෙන ඒමට විරුද්ධව අද (03) ඉරනමාතා නගර් වෙරළ තීරයේදී විරෝධතාවයක නිරත වෙනු දක්නට ලැබුණා.
ඉරතිව් දූපත් වැසියන් පවසන්නේ මෙම දූපත තුළ කොරෝනා මෘත දේහ වැළලීමට කිසියම් පිරිසක් වළවල් සාදා ඇති බවත් කොරෝනා මෘත දේහ දූපතට රැගෙන ඒමට තමන් දැඩි ලෙස විරුද්ධ බැවින් අදාළ වළවල් වසා දැමු බවයි .
මෙලෙස මෘත දේහ දූපතට රැගෙන ඒම තුලින් දූපතේ ජිවත්වන තම ජනතාවට සෞඛ්‍ය අහිතකර තත්වයන් රැසකට මුහුණ දිමට සිදුවන බවත් බවත්, ධීවර කර්මාන්තයෙන් ජිවත්වන දූපත්වාසීන්ට සිය ජීවන වෘත්තිය කර ගැනීමට නොහැකි වන බවයි විරෝධතාවයට එක්වු කිතුණු ආගමික නායකයින් හා දූපත්වාසීන් කියා සිටියේ.
මෙලෙස තමන්ගේ භුමිය මේ සදහා කිසිදු අවසරයක් ලබානොදෙන බවයි ඉරනතිව් දූපත් ජනතාව පැවසූවේ. විරෝධතාවයට කිතුණු ආගමික නායකයින්, දේශපාලන නියෝජිතයින්, දූපත්වාසීන් ඇතුළු පිරිසක් එක්ව සිටියා.
