සත්කාරක ශ්රී ලංකා කණ්ඩායම සමඟ පැවැත්වෙන් විස්සයි විස්ස තරගාවලිය තවත් එක තරගයක් ඉතිරිව තිබිය දී ජයගන්නට එංගලන්ත කණ්ඩායමට ඊයේ (01) හැකියාව ලැබුණා.
ඒ, දෙරට අතර පැවති දෙවන විස්සයි විස්ස තරගයෙන් කඩුලු 06 කින් ජයගැනීමට එංගලන්තයට හැකිවීමත් සමඟයි.
පල්ලෙකැලේ ජාත්යන්තර ක්රිකට් ක්රීඩාංගණයේ දී පැවති මෙම තරගයෙන් පසුව පැවැත් වූ මාධ්ය හමුවට ශ්රී ලංකා කණ්ඩායමට අලුතින් එක් වූ පිතිකරණ පුහුණුකරු වික්රම් රාත්රෝර් එක්ව සිටියා.
එම මාධ්ය හමුවේ දී ඔහු සඳහන් කළේ පළමු තරගයේ දී ශ්රී ලංකා ක්රීඩකයින්ගේ ක්රීඩා විලාශයට වඩා දෙවන තරගයේ දී ඔවුන්ගේ ක්රීඩා විලාශය හොඳ මට්ටමක පැවති බවයි.
මේ අතර එක්දින සහ විස්සයි විස්ස තරගවල දී පිතිකරණයේ දී ශ්රී ලංකා පිතිකරුවන් හොඳ ආරම්භයක් ලබාගන්නා බවත්, මැදපෙළ යම් අසාර්ථකත්වයක් පෙන්නුම් කරන බවත් ඊට හේතුවන් කුමක් දැයි මාධ්යවේදීන් ඔහුගෙන් මෙහිදී විමසා සිටියා.
ඊට පිළිතුරු ලබාදෙමින් පිතිකරණ පුහුණුකරු වික්රම් රාත්රෝර් පැවසුවේ එවැනි තත්ත්වයක් ඇති බවට තමන් පිළිගන්නා බවයි.
එය සකසා ගැනීම වෙනුවෙන් මේ වනවිට කණ්ඩායම මහන්සි වී කටයුතු කරන බවයි ඔහු වැඩිදුරටත් සඳහන් කළේ.
මේ අතර නවක ක්රීඩක පවන් රත්නායක සම්බන්ධයෙන් ද පිතිකරණ පුහුණුකරු වික්රම් රාත්රෝර් මෙහිදී අදහස් දක්වමින් පැවසුවේ පවන් ශ්රී ලංකාවට හොඳ සලකුණක් බවයි.
එමෙන්ම මෙම පරම්පරාවේ පවන් වැනි ක්රීඩකයින් දැකගැනීමට අඩු විශේෂ ක්රීඩකයින් බවත් ඔහු වැඩිදුරටත් අදහස් දක්වමින් සඳහන් කර සිටියේ.
