ලොරි රථයක් ළමුන් දෙදෙනෙකුගේ ගැටී හලාවත – කුරුණෑගල මාර්ගයේ මාරක අනතුරක්

හලාවත – කුරුණෑගල මාර්ගයේ ඉහළ කොස්වත්ත ප්‍රදේශයේ දී හලාවත දෙසට ධාවනය වූ ලොරි රථයක් මාර්ගය අයිනේ ගමන් කළ ළමුන් දෙදෙනෙකුගේ ගැටී අනතුරක් සිදුව තිබෙනවා.

ඊයේ (01) දහවල් සිදුව ඇති මෙම අනතුරින් ළමුන් දෙදෙනා තුවාල ලබා ප්‍රථිකාර සඳහා හලාවත රෝහලට ඇතුළත් කිරීමටයි පියවර ගෙන ඇත්තේ.

එහිදී ප්‍රථිකාර ලබමින් සිටිය දී එක් ළමයෙකු මියගොස් ඇති බවයි පොලිසිය සඳහන් කළේ.

ජීවිතක්ෂයට පත් වූ ළමයා අවුරුදු 13ක හල්මිල්ලෑව ප්‍රදේශයේ පදිංචිව සිටි අයෙක් බවයි වාර්තා වන්නේ.

ලොරි රථයේ රියදුරු අත්අඩංගුවට ගෙන ඇති අතර බිංගිරිය පොලිසිය වැඩිදුර විමර්ශන සිදුකරනු ලබනවා.