සර්වඥ ධාතු ප්‍රදර්ශනය වෙනුවෙන් විශේෂ රථවාහන සැලැස්මක් සහ ආරක්ෂක වැඩපිළිවෙලක්

ඉන්දියාවේ සිට වැඩම කරවනු ලබන සර්වඥ ධාතූන් වහන්සේ මහජනතාවට වන්දනාමාන කිරීම සඳහා 2026.02.05 වන දින උදෑසන 06.00 සිට 2026.02.11 දින පෙරවරු 07000 දක්වා හුණුපිටිය ගංගාරාම විහාරස්ථානයේදී ප්‍රදර්ශනය කිරීමට නියමිතව තිබෙනවා.

එම කාල සිමාව තුළ ගංගාරාම විහාරස්ථානය අවට ප්‍රදේශයේ විශේෂ ආරක්ෂක වැඩපිළිවෙලක් හා රථවාහන සැලැස්මක් ක්‍රියාත්මක කරනු ලබන බවයි පොලිසිය පවසන්නේ.

ඒ අනුව පැමිණෙන සියළුම මහජනතාව වෙත කිසිදු අවහිරතාවයකින් තොරව සර්වඥ ධාතූන් වහන්සේ වන්දනාමාන කිරීම සඳහා පහත සඳහන් උපදෙස් අනුගමනය කරන ලෙස ශ්‍රී ලංකා පොලිසිය මහජනතාවගෙන් ඉල්ලා සිටිනවා.

මෙම ශ්‍රී සර්වඥ ධාතු ප්‍රදර්ශනය පැය 24 පුරාම ක්‍රියාත්මක වන බැවින් පැමිණෙන බැතිමතුන්ගේ අරක්ෂාව සඳහා ශ්‍රී ලංකා පොලිසිය ක්‍රියාත්මක කරනු ලබන ආරක්ෂක වැඩපිලිවෙලට පූර්ණ සහයෝගය ලබා දීම.

දේශීය හා විදේශීය බැතිමතුන් විශාල සංඛ්‍යාවක් මෙම ප්‍රදර්ශනය සඳහා පැමිනෙතැයි අපේක්ෂා කරන අතර ගැටකපන්නන්, සොරුන් වැනි අපරාධකරුවන් එම ප්‍රදේශය ආශ්‍රිතව ගැවසිය හැකි බැවින් තම මුදල් පසුම්බි, රන් ආභරණ ඇතුළු පුද්ගලික දේපළ සම්බන්ධයෙන් අවධානයෙන් හා විමසිලිමත්ව කටයුතු කිරීම.

ජංගම දුරකථන, ගමන් මළු, ජැකට් සහ විද්‍යුත් උපකරණ යන ආදිය සර්වඥ ධාතූ ප්‍රදර්ශන කුටිය තුළට රැගෙන නොයාම. මෙහිදී ආරක්ෂක අංශ විසින් සෝදිසි කිරීම්, පරීක්ෂා කිරීම් සඳහා අවශ්‍ය සහය සහ දායකත්වය ලබාදෙන මෙන් මහජනතාවගෙන් ඉල්ලා සිටියි.

රථවාහන ගමනාගමනයේදී නියමිත රථ වාහන නීතියට ගරු කරමින් එයට අනුකූලව රථවාහන ධාවනය කිරීම හා අවශ්‍ය වන අවස්ථාවකදී පොලිස් නිලධාරීන්ගේ සහය ලබාගැනීමට කටයුතු කිරීම.

රථවාහන ගාල් කිරීමට නියමිත ස්ථාන සහ රථගාල් වල පමණක් නැවැත්වීම හා නවතා තැබීම.

ක්‍රියාත්මක කිරීමට නියමිත විශේෂ රථවාහන සැලැස්ම පහතින්.