ඉන්දියාවේ ජාතික ආරක්ෂක උපදේශක අජිත් දොවාල් බීජිංහිදී චීන විදේශ අමාත්ය වැන්ග් යී සමඟ සාකච්ඡාවක් පැවැත්වූ අතර ඉන්දියා-චීන සබඳතාවල මෑත කාලීන වර්ධනයන් සමාලෝචනය කර තිබෙනවා.
ජනතාව අතර සබඳතා වැඩි දියුණු කිරීම ඇතුළුව ද්විපාර්ශ්වික සබඳතාවල සමස්ත සංවර්ධනය ප්රවර්ධනය කිරීමේ අවශ්යතාවය ඔවුන් දෙදෙනා අවධාරණය කළා.
හමුවේ දී, කලාපයේ සාමය සහ ස්ථාවරත්වය පවත්වා ගැනීම සඳහා සියලු ආකාරවලින් සහ ප්රකාශනයන්ගෙන් ත්රස්තවාදයට එරෙහිව සටන් කිරීමේ අවශ්යතාව දොවාල් අවධාරණය කළ බවයි විදෙස් මාධ්ය වාර්තා කරන්නේ.
විදේශ කටයුතු අමාත්යාංශය (MEA) විසින් බෙදා ගන්නා ලද ප්රකාශයට අනුව, ඔවුන් දෙදෙනා අන්යෝන්ය වශයෙන් උනන්දුවක් දක්වන අනෙකුත් ද්විපාර්ශ්වික, කලාපීය සහ ගෝලීය ගැටළු පිළිබඳව ද කතා කළා.
ෂැංහයි සහයෝගිතා සංවිධානයේ (SCO) ආරක්ෂක මණ්ඩල ලේකම්වරුන්ගේ 20 වන රැස්වීමට සහභාගී වීම සඳහා දොවාල් චීනයේ සංචාරයක නිරතව සිටිනවා.
