ශල්‍ය වෛද්‍ය වයිස් අද්මිරාල් ආටි සරින් ඉන්දීය සන්නද්ධ හමුදා වෛද්‍ය සේවා හි අධ්‍යක්ෂ ජනරාල්වරියගේ භූමිකාව භාරගත් අතර, මෙම කීර්තිමත් තනතුර හෙබවූ පළමු කාන්තා වෛද්‍යවරිය බවට පත්වුණා.
වයිස් අද්මිරාල් සරින්, හමුදාව පුරා වෛද්‍ය ප්‍රතිපත්ති සඳහා සෘජුවම වගකිව යුතුයි.
මෙම භූමිකාවට පෙර, ඇය නාවික හමුදාවේ වෛද්‍ය සේවා අධ්‍යක්ෂ මණ්ඩලයට නායකත්වය දුන් අතර, ඇය ගුවන් හමුදා වෛද්‍ය සේවා අධ්‍යක්ෂ ජනරාල් සහ පූනේහි සන්නද්ධ හමුදා වෛද්‍ය විද්‍යාලයේ අණදෙන නිලධාරී ලෙස ද සේවය කර තිබෙනවා.
මීට මාස දෙකකට පෙර යුද හමුදා වෛද්‍ය සේවා අධ්‍යක්ෂ ජනරාල් තනතුරට පළමුවරට පත් වූ කාන්තාව ලෙස ලුතිනන් ජෙනරාල් සද්නා සක්සේනා නායර් ඉතිහාසයට එක් වුණා.
යුධ හමුදාවේ ලුතිනන්වරයෙකු ලෙසින් ආරම්භ කර නාවික හමුදාවේ ශල්‍ය වෛද්‍ය වයිස් අද්මිරාල්වරයෙකු ලෙසත් ගුවන් හමුදාවේ එයාර් මාර්ෂල් නිලය දක්වා පැමිණීමේ විරල ගෞරවය වයිස් අද්මිරාල් සරින් සතු වනවා.
ඇය දැන් හමුදාවේ කාන්තා නිලධාරිනියක් විසින් ලබා ගත් ඉහළම නිලය දරනවා.
