ඉන්දීය ක්රිකට් කණ්ඩායමේ සහාය පුහුණුකරුවන් ලෙස අභිෂේක් නයාර් සහ රයන් ටෙන් ඩොස්චේට් පත් කිරීමට ඉන්දීය ක්රිකට් පාලක මණ්ඩලය සූදානම්වන බව වාර්තා වනවා.
කණ්ඩායම් කළමනාකාරීත්වය විසින් මේ සම්බන්ධයෙන් නිල ප්රකාශයක් නිකුත් කර නොමැති අතර, ශ්රී ලංකාවට එරෙහිව එළඹෙන විස්සයි විස්ස සහ එක්දින තරඟාවලිය සඳහා මොවුන් දෙදෙනා නව ප්රධාන පුහුණුකරු ගෞතම් ගාම්භීර් සමඟ එක්වනු ඇති බව වාර්තාව වන්නේ.
අභිෂේක් නයාර් කොල්කටා නයිට් රයිඩර්ස් කණ්ඩායමේ සහාය පුහුණුකරු ලෙස කටයුතු කළ අතර, ගාම්භීර් එම කණ්ඩායමේ උපදේශක ලෙස කටයුතු කරන විට නයාර් පන්දු රැකීමේ පුහුණුකරු ලෙස ද කටයුතු කළා.
මේ අතර රාහුල් ඩ්රාවිඩ් යටතේ පන්දු රැකීමේ පුහුණුකරු ලෙස කටයුතු කළ ටී දිලිප් නව සහාය කාර්ය මණ්ඩලයේ ද රඳවා ගැනීමට නියමිත බව වාර්තා වනවා.
කෙසේ වෙතත්, පන්දු යැවීමේ පුහුණුකරු ලෙස පත් කරන්නේ කවුරුන්ද යන්න පිළිබඳව තවමත් අනාවරණය වී නොමැති අතර, බොහෝ විට දකුණු අප්රිකානු ක්රිකට් කණ්ඩායමේ හිටපු වේග පන්දු යවන ක්රීඩක මෝර්නි මෝකල් එම තනතුර සඳහා පත්කරනු ඇති බවයි විශ්වාස කරන්නේ.
මෝර්නි මෝකල් ද කොල්කටා නයිට් රයිඩර්ස් කණ්ඩායමේ කොටසක් ලෙස ගාම්භීර් සමඟ ද කටයුතු කර ඇති අතර, ඔහු ගාම්භීර්ගේ නායකත්වය යටතේ 2014 සහ 2016 අතර IPL තරගාවලි සඳහා ක්රීඩා කර තිබෙනවා.
