ඉන්දීය ජනප්රිය නිළියක වන ටූනීෂා ෂර්මා සියදිවි හානිකර ගැනීම සම්බන්ධයෙන් ඉන්දීය ජනප්රිය නළුවෙකු වන 28 හැවිරිදි ෂීසාන් මොහොමඩ් ඛාන්ට චෝදනා එල්ල වී තිබෙනවා.
විදෙස් වාර්තා සඳහන් කරන්නේ ටූනීෂා ෂර්මා සහ ෂීසාන් අතර ප්රේම සම්බන්ධයෙක් තිබූ බවට මීට පෙර ක්ෂේත්රය තුළ කටකතා පැතිර ගිය බවයි.
ඉන්දීය ටෙලි කතා මාලාවක මහාරාෂ්ට්ර ප්රාන්තයේ පල්ගාර් ප්රදේශයේ පැවති රූගත කිරීමක් අතර තුර ඊයේ (24) ටූනීෂා ෂර්මා ගෙළ වැළලාගෙන සියදිවි හානිකරගෙන තිබුණා.
ඇය මෙලෙස සියදිවි හානිකරගෙන ඇත්තේ ෂීසාන් මොහොමඩ් ඛාන්ගේ වේෂ නිරූපණ කාමරයේ දී බවයි තොරතුරු වාර්තා වන්නේ.
ටූනීෂා සියදිවි හානිකර ගැනීම සම්බන්ධයන් ඇගේ මව විසින් පොලිසියට පැමිණිල්ලක් ද සිදුකර ඇති අතර, ඒ අනුව මෙම සිද්ධිය සම්බන්ධයෙන් විමර්ශන ආරම්භ කර තිබෙනවා.
20 හැවිරිදි වියේ පසුවූ ටූනීෂා සියදිවි හානිකර ගැනීමට සුළු වේලාවකට පෙර සිය ඉන්ස්ටග්රෑම් ගිණුමට ඡායාරූපයක් පළකරමින් “තමන්ගේ ආශාව විසින් මෙහෙයවනු ලබන අය නතර නොවේ.” යනුවෙන් සටහනක් ද එක්කර තිබුණා.
