ඉන්දියාවේ ක්රියාත්මක වන පළමු හයිඩ්රජන් දුම්රිය මෙම මාර්තු මාසයේ දී සක්රීය තත්ත්වයට ගෙන එන බව එරට මාධ්ය වාර්තා කරනවා.
ඉන්දියානු දුම්රිය තාක්ෂණයේ නව යුගයක් අරඹමින් මෙය සිදුවන බවයි එහි සාමාන්යාධිකාරී (ICF) යූ. සුබා රාඕ මහතා පැවසුවේ.
ඉන්දියාවේ මේ වනවිට ඩීසල් බලයෙන් සහ විදුලි බලයෙන් ද දුම්රිය එන්ජින් ක්රියාත්මක වනවා.
ඉන් අනතුරුවයි ඉන්දියාව මෙම හයිඩ්රජන් තාක්ෂණය ද යොදාගනිමින් නව සංවර්ධනයකට මුලපුරා ඇත්තේ.
ඉන්දීය දුම්රිය අමාත්යාංශය පැවසුවේ හයිඩ්රජන් දුම්රිය චෙන්නායි පදනම් කරගත් ඒකාබද්ධ කෝච් ෆැක්ටරි (ICF) විසින් නිෂ්පාදනය කරනු ලබන බවයි.
පිරිසිදු බලශක්ති ප්රභවයක් ලෙස ශුන්ය කාබන් විමෝචන ඉලක්ක සඳහා සහාය වීම සඳහා හරිත ප්රවාහන තාක්ෂණයේ දිශාවට හයිඩ්රජන් ඉන්ධන දුම්රිය කට්ටලය විශාල ප්රතිලාභ ලබා දෙන බවයි ඉන්දියාව විශ්වාස කරන්නේ.
2023-24 මූල්ය වර්ෂයේ දී, හයිඩ්රජන් ඉන්ධන සෛල පාදක දුම්රිය 35ක් සංවර්ධනය කිරීම සඳහා දුම්රිය අමාත්යාංශය රුපියල් කෝටි 2800 ක් වෙන් කෙරුණා.
