ඉන්දියාවේ තවත් දැරියක් දූෂණය කොට ඝාතනය කර තිබෙනවා.
මෙම සිදුවීම ඊයේ (16) රාත්‍රියේ සිදු ව ඇත්තේ බිහාර් ප්‍රාන්තයේ භොජ්පූර් දිස්ත්‍රික්කයේ දියි.
12 හැවිරිදි මෙම දැරිවිය ව ඇයගේ මාමා යැයි සැලකෙන පුද්ගලයෙකු විසින් ලිංගික හිංසනයට ලක් කර ඝාතනය කර ඇති බවයි පොලිසිය පැවසුවේ.
ටවුන් පොලිස් වසමේ ධරාහර – හනුමන් ටෝලා ප්‍රදේශයේ දී සිදු ව ඇති බවත් සැකකරු මේ වනවිට පොලිස් අත් අඩංගුවට ගෙන ඇති බව ද ඉන්දීය මාධ්‍ය වාර්තා කරනවා.
සැකකාර පුද්ගලයා විසින් අදාළ දැරියට ලිංගික අතවර කර පහර දී නිවස තුළ දී ම ඝාතනය කර ඇති බවයි ප්‍රදේශවාසීන් පොලිසියට පැමිණිලි කර ඇත්තේ.
දැරිය සැකකාර පුද්ගලයාගේ නිවසට ගොස් ඇත්තේ යමක් ඉල්ලා ගැනීමට බවත් පසුව ඇයව නිවසට ගෙන සැකකරු විසින් දැරියට ලිංගික හිංසනයන් සිදු කර ඝාතනය කර ඇඳක ගැට ගසා ඇති බවත් වින්දිත පාර්ශ්වයේ පවුලේ උදවිය පවසා තිබෙනවා.
දැරිය නිවසේ නොසිටි බැවින් ඒ ගැන නිවැසියන් සොයා බලා පසුව සැකකරුගේ නිවසට ගොස් ඇති අතර එහිදී ඇඳක බැඳ දමා සිටි සිය දියණියගේ නිසල සිරුර පවුලේ සාමාජිකයින් හට හමුව තිබෙනවා.
ප්‍රදේශවාසීන් විසින් සැකකරුට පහර දී ඇති බවත් පොලිසිය පවසා සිටිනවා.
දැරියගේ සිරුර පශ්චාත් මරණ පරීක්ෂණය සඳහා ටවුන් රෝහල වෙත යොමු කර තිබෙනවා.
