තද සුළං පිළිබඳ කාලගුණ විද්යා දෙපාර්තමේන්තුවෙන් අවවාදාත්මක නිවේදනයක් නිකුත් කර තිබෙනවා.
එහි දැක්වෙන්නේ නිරිතදිග බෙංගාල බොක්ක මුහුදු ප්රදේශයේ පවතින පීඩන අවපාතය අද (23) උදෑසන වන විට ත්රිකුණාමලයේ සිට කිලෝමීටර් 370ක් ඊසාන දෙසින් ස්ථානගතව පැවති බවයි.
මෙම පද්ධතිය ඉදිරි පැය 48 තුල ශ්රී ලංකාව හරහා ගමන් කිරීමේ හැකියාවක් පවතිනවා.
ශ්රී ලංකාව ආශ්රිතව පවතින අඩු පීඩන තත්ත්වයේ බලපෑම හේතුවෙන් උතුර, වයඹ, නැගෙනහිර, බස්නාහිර පළාත්වලත් ගාල්ල සහ මාතර දිස්ත්රික්වලත් විටින් විට හමන පැයට කිලෝමීටර් 40ක පමණ තද සුළං ද ඇතිවිය හැකි බවයි කාලගුණ විද්යා දෙපාර්තමේන්තුව කියාසිටියේ.
මේ අතර මෙම පීඩන අවපාතය හමුවේ මධ්යම බෙංගාල බොක්ක සහ නිරිතදිග බෙංගාල බොක්ක මුහුදු ප්රදේශවල සහ ශ්රී ලංකාවේ නැගෙනහිර සහ උතුරු මුහුදු ප්රදේශවල සුළඟේ වේගය පැයට කිලෝමීටර් 55ක් 65ක් පමණ දක්වා වැඩිවිය හැකි අතර වැසි හෝ ගිගුරුම් සහිත වැසි ඇති වනවා.
මේ හේතුවෙන් මන්නාරම සිට කන්කසන්තුරය ත්රිකුණාමලය සහ මඩකලපුව හරහා පොතුවිල් දක්වා වෙරළට ඔබ්බෙන් වන ගැඹුරු සහ නොගැඹුරු මුහුදු ප්රදේශවල මෙන්ම නිරිතදිග බෙංගාල බොක්ක මුහුදු ප්රදේශයේ නැවත දැනුම්දෙන තෙක් යාත්ර නොකරන ලෙසටයි ධීවර සහ නාවික ප්රජාවට දැනුම්දෙන්නේ.
දැනට මෙම මුහුදු ප්රදේශවල ධීවර කටයුතුවල යෙදී සිටින පිරිස වහාම ගොඩබිමට හෝ ආරක්ෂිත ස්ථානයක් වෙත පැමිණෙන ලෙසට දැනුම්දී තිබෙනවා.
එමෙන්ම කාලගුණ විද්යා දෙපාර්තමේන්තුව මගින් මේ සම්බන්ධයෙන් නිකුත් කරන ඉදිරි නිවේදන පිළිබඳ සිය අවධානය යොමු කරන ලෙසට ධීවර සහ නාවික ප්රජාවගෙන් ඉල්ලීමක් කෙරෙනවා.
