ඉතිහාසයේ පළමු වරට ශ්‍රී ලංකා පාර්ලිමේන්තුව තුළ ඉතා ඉහළ අගයකින් කාන්තා නියෝජනය වැඩි වී තිබෙනවා.
ඊයේ (15) ප්‍රකාශයට පත් කෙරුණු මහ මැතිවරණ ඡන්ද ප්‍රතිඵල අනුව අපේක්ෂිකාවන් 20 දෙනෙකුට ආසන්න ප්‍රමාණයකට පාර්ලිමේන්තුවේ මන්ත්‍රී අසුන් හිමිව ඇති බවයි දක්නට ලැබෙන්නේ.
ජාතික ජන බලවේගයෙන් වැඩිම කාන්තා නියෝජනයක් පත් ව තිබෙනවා.
ඒ අතර වැඩිම මනාප සංඛ්‍යාවක් කාන්තා ඉතිහාසයේ ලබාගෙන ඇත්තේ වර්තමාන අග්‍රාමාත්‍යවරිය ලෙස කටයුතු කරන ආචාර්‍ය හරිනි අමරසූරියයි.
ඇය කොළඹ දිස්ත්‍රික්කය නියෝජනය කරමින් ඡන්ද 655,289ක් ලබා ගෙන තිබෙනවා.
මීට අමතරව ජාතික ජන බලවේගයේ;
01.සමන්මලී ගුණසිංහ – කොළඹ දිස්ත්‍රික්කය – 59,657
02.අම්බිකා සැමුවෙල් – බදුල්ල දිස්ත්‍රික්කය – 58,201
03.නිලන්ති කොට්ටහච්චිගේ – කළුතර දිස්ත්‍රික්කය – 131,375
04.ඔෂානි උමංගා – කළුතර දිස්ත්‍රික්කය – 69,232
05.සරෝජා පෝල්රාජ් – මාතර දිස්ත්‍රික්කය – 148,379
06.නිලූෂා ගමගේ – රත්නපුර දිස්ත්‍රික්කය – 48,791
07.සාගරිකා ආතාවුද – කෑගල්ල දිස්ත්‍රික්කය – 59,019
08.හිරුණි විජේසිංහ – පුත්තලම දිස්ත්‍රික්කය – 44,057
09.කෞෂල්‍යා ආරියරත්න – කොළඹ දිස්ත්‍රික්කය – 80,814
10.චතුරි ගංගානි – මොනරාගල දිස්ත්‍රික්කය – 42,930
11.තුෂාරි ජයසිංහ – මහනුවර දිස්ත්‍රික්කය – 58,223
12.හසාරා ලියනගේ – ගාල්ල දිස්ත්‍රික්කය – 82,058
13.දීප්ති වාසලගේ මාතලේ දිස්ත්‍රික්කය – 47,482
14.කුමාරි හේරත් – කුරුණෑගල දිස්ත්‍රික්කය – 84,414
15.හේමාලි සුජීවා – ගම්පහ දිස්ත්‍රික්කය – 66,737 ක් ද ලබාගනිමින් ජාතික ජන බලවේගයෙන් තේරී පත් ව සිටිනවා.
සමගි ජන බලවේගය නියෝජනය කරමින්;
01.රෝහිණී කුමාරි විජේරත්න – මාතලේ දිස්ත්‍රික්කය – 27,845
02.චමින්ද්‍රාණි කිරිඇල්ල – මහනුවර දිස්ත්‍රික්කය – 30,780ක් පාර්ලිමේන්තු වරම් දිනාගත්තා.
එමෙන්ම ජාතික ලැයිස්තුවෙන් ද තවත් දේශපාලන කතුන් ප්‍රමාණයක් පත්වීමට නියමිතයි.
