ඇමරිකාවේ පාසලක වෙඩිතැබීමක් – සිසුන් 3ක් මරුට

ඇමරිකාවේ මිචිගන් ප්‍රාන්තයේ උසස් පාසලකට එල්ලවූ වෙඩි ප්‍රහාර මාලාවකින් සිසුන් තිදෙනෙකු මියගොස් තිබෙනවා.

මෙලෙස මියගොස් ඇත්තේ 16 හැවරදි පිරිමි ළමෙයකු හා, 14 සහ 17 වයස්වල පසුවන ගැහැණු ළමයින් දෙදෙනෙක්.

වෙඩි තැබීමෙන් ගුරුවරයෙකු ඇතුළු තවත් 8 දෙනෙකු තුවාල ලබා ඇති බවයි විදෙස් මාධ්‍ය වාර්තා කළේ.

වෙඩිතැබීම සිදුකළ පුද්ගලයා 15 හැවිරිදි බාල වයස්කරුවෙකු බවට හදුනාගෙන ඇති අතර, ඔහු විසින් ස්වයංක්‍රීය පිස්තෝලයක් යොදා ගනිමින් වෙඩි ප්‍රහාර 20ක් පමණ එල්ල කර ඇති බව සඳහන්.

පසුව සිදුකළ සෝදිසි මෙහෙයුම් වලදී ප්‍රහාරයට සම්බන්ධ බාලවයස්කාර සැකකරු අත්අඩංගුවට ගෙන තිබෙනවා.