සෞඛ්‍ය අමාත්‍ය කෙහෙළිය රඹුක්වැල්ල සහ රාජ්‍ය මුද්‍රණ නීතිගත සංස්ථවේ හිටපු සභාපති ජයම්පති බණ්ඩාර හීන්කෙන්දට එරෙහිව අල්ලස් හෝ දූෂණ විමර්ශන කොමිෂන් සභාව විසින් පවරා තිබූ නඩුව අද (21) කොළඹ මහාධිකරණයේ දී කැඳවනු ලැබුවා.
ජනමාධ්‍ය අමාත්‍යවරයා ලෙස කටයතු කළ සමයේ රාජ්‍ය මුද්‍රණ නීතිගත සංස්ථවේ අරමුදලින් රුපියල් දෙලක්ෂ තිස්දහසක මුදලක් වැයකර කෙහෙළිය රඹුක්වැල්ල අමාත්‍යවරයා පුද්ගලික දුරකථන බිලක් ගෙවීමේ චෝදනාව යට‍තේ මෙම නඩුව ගොනුකර තිබුණා.
මෙම චෝදනාව යට‍තේ නඩු පැවරීම සම්බන්ධයෙන් කෙහෙළිය රඹුක්වැල්ල අමාත්‍යවරයා සහ ජයම්පති බණ්ඩාර හීන්කෙන්ද වෙනුවෙන් පෙනී සිටි නීතිඥයන් විසින් අද (21) දිනයේ විවෘත අධිකරණයේ දී මූලික විරෝධතා ගොනුකරනු ලැබුවා.
මෙම මූලික විරෝධතාවලට පිළිතුරු ලබන සැප්තැම්බර් 20 වන දින ලිඛිතව අධිකරණය හමුවේ ගොනුකරන ලෙසට කොළඹ මහාධිකරණ විනිසුරු දමිත් තොටවත්ත අල්ලස් හෝ දූෂණ විමර්ශන කොමිෂන් සභාවට නියෝග කළා.
