ජලයෙන් තෙත් වූ ඇපල් අයිෆෝන් දුරකථන වියළීම සඳහා සහල් බඳුනක තැබීමේ ක්‍රමවේදය සම්බන්ධයෙන් ඇපල් සමාගම අනතුරු අඟවා තිබෙනවා.
එම සමාගම පවසන්නේ අයිෆෝන් දුරකථන තෙත් වුවහොත් එය සහල් බඳුනක තැබීම පොදුවේ දන්නා උපක්‍රමයක් නමුත් එසේ නොකළ යුතු බවයි.
ඇපල් සමාගම නව මාර්ගෝපදේශයක් නිකුත් කරමින් පරිශීලකයින්ට දැනුම් දෙන්නේ මේම ක්‍රමය මඟින් ඔවුන්ගේ උපාංගවලට හානි සිදුවිය හැකි බවයි.
දුරකථනය සහල්වල දැමීමෙන් සහල්වල ඇති කුඩා අංශු උපාංගයේ කොටස්වලට හානි කිරීමට හේතු විය හැකි බවයි එම සමාගම වැඩිදුරටත් පවසන්නේ.
එම ක්‍රමය වෙනුවට ඇපල් සමාගම යෝජනා කළේ ඕනෑම ද්‍රවයක් මෘදු ලෙස තට්ටු කර ඉවත්කර දුරකථන සම්බන්ධකය පහළට මුහුණලා තනිවම වියළීමට තබන ලෙසයි.
මේ අතර බාහිර තාප ප්‍රභවයක් හෝ සම්පීඩිත වාතය හරහා තෙත් වූ දුරකථනයක් වියළීම සම්බන්ධයෙන් ද ඇපල් සමාගම අනතරු අඟවනවා.
ඔවුන් පවසන්නේ රේඩියේටර් සහ කෙස් වියළන යන්ත්‍ර ඒ සඳහා භාවිත නොකළ යුතු බවයි.
ජංගම දුරකථනයට කපු කූරු හෝ ටිෂූ කඩදාසි වැනි ආගන්තුක වස්තුවක් ඇතුළු කිරීමට එරෙහිව ද සමාගම අනතුරු අඟවා තිබෙනවා.
