ශ්රී ලංකාවේ ගොවි ජනතාවට සහන සැලසීම සඳහා ආසියානු සංවර්ධන බැංකුව රුපියල් බිලියන 8ක මුදලක් පරිත්යාග කර තිබෙනවා.
අමාත්ය මහින්ද අමරවීර ප්රකාශ කළේ ජනාධිපති රනිල් වික්රමසිංහගේ ඉල්ලීම පරිදි ආසියානු සංවර්ධන බැංකුව මෙම මුදල් ලබාදී ඇති බවයි.
මේ යටතේ හෙක්ටයාර 1ට අඩුවෙන් වගා කරන ගොවි පවුලක් සඳහා රුපියල් 10000ක් සහ හෙක්ටයාරයකට වැඩියෙන් වගා කරන ගොවි පවුලක් සඳහා රුපියල් 20000 බැගින් ගොවි පවුල් මිලියන 1.2ක් සඳහා මුදල් ප්රදානය සිදු කෙරෙනවා.
එම මුදල් ලබන සතියේ එම ගොවීන්ගේ ගිණුම්වල තැන්පත් කෙරෙන බව ද අමාත්ය මහින්ද අමරවීර ප්රකාශ කළා.
රුපියල් 20,000ක උපරිමයකට යටත්ව නැවත අය කර නොගන්නා මෙම මූල්ය ආධාරය වී වගා කරන ගොවීන් සඳහා පමණක් ලබා දෙන අතර, ඔවුන්ගේ ගිණුම්වලට සෘජුවම මුදල් බැර කෙරෙනු ඇති.
මෙවර මහ කන්නයේ දී වගා කිරීමට නියමිත කුඹුරු ප්රමාණය හෙක්ටෙයාර් ලක්ෂ 08ක් වන අතර සියලු වී ගොවීන්ට බන්ඩි පොහොර හෙවත් MOP මිලදී ගැනීම සඳහා මෙම දීමනාව ලබා දීමට සැලසුම් කර තිබෙනවා.
මේ සඳහා වැය කිරීමට යෝජිත මුදල රුපියල් බිලියන 08ක් වන අතර ගොවි පවුල් ලක්ෂ 12කට මෙම ප්රතිලාභය හිමි වන බවයි අමාත්ය මහින්ද අමරවීර මහතා සඳහන් කළේ.
