121 වැනි වතාවට රිච්මන්ඩ් විද්යාලය සහ ගාල්ල, මහින්ද විද්යාලය අතර පැවති ආදරවන්තයන්ගේ සටන මෙවර ජය පරාජයකින් තොරව නිමාවට පත්වුණා.
තරගය ආරම්භ වූයේ පෙරේදා (19) දිනයේ වූ අතර තරගය පැවැත්වුණේ තෙදින ක්රිකට් තරගයක් ලෙසයි.
තරගයේ පළමුවෙන් පන්දුවට පහර දුන් රිච්මන්ඩ් විද්යාලය සිය පළමු ඉනිම වෙනුවෙන් ලකුණු 315ක් රැස්කර ගත්තා.
ඒ අනුව පිළිතුරු පළමු ඉනිම සඳහා පිටියට පිවිසි ගාල්ල, මහින්ද විද්යාලය ඔවුන්ගේ පළමු ඉනිම වෙනුවෙන් කඩුලු 09කට ලකුණු 332ක් රැස්කර ගෙන සිටිය දී සිය ඉනිම අත්හිටුවීමට තීරණය කළා.
තරගයේ අවසන් දිනය වූ අද දිනයේ අවසන් භාගයේ දී ගාල්ල, මහින්ද විද්යාලයට වඩා ලකුණු 17ක් පිටුපසින් සිය ඉනිම ඇරඹු රිච්මන්ඩ් විද්යාලය දෙවැනි ඉනිම වෙනුවෙන් ලකුණු 83කට එක් කඩුල්ලක් දැවී සිටියදී තරගය නිමාවට පත් වුණා.
ඒ අනුව 121 වැනි ආදරවන්තයන්ගේ සටන ජය පරාජයෙන් තොරව නිවමට පත්වුණා.
